Bybelse wysheid

DR. ANNES NELJob 23:3,8: “As ek maar geweet het waar om God te vind… Maar as ek na die ooste toe gaan, is Hy nie daar nie; en as ek na die weste gaan, kry ek Hom nie.”Waar is God in ons lyding? Job verstaan nie hoekom hy ly nie. Hy verlang na God se teenwoordigheid, maar God voel ver en stil. Hy is eensaam en moedeloos.’n Gedig van Totius vertel van ’n vrou wie se man gesterf het terwyl hy ver van die huis af was. Sonder iemand om haar te help, het sy self sy kis gemaak. Sy het hom begrawe met net een persoon langs haar. Net hulle weet waar hy lê. Sy bly agter met haar kind en sukkel om werk en kos te kry om te oorleef.Die digter vra of iemand al soveel gely het soos sy. Sy antwoord: “Meneer, ek het verlate gevoel, maar nie soos Hy nie – deur God verlaat. Ek was in angs, ja, tot die dood toe, maar nie soos Hy nie – lyding tot in die hel. Die hemel daarbo was altyd oop, terwyl die hel hieronder vir ewig gesluit was. Dit is hoe dit vir my was, ter wille van Jesus.”In Jesus se lyding aan die kruis het God in ons lyding kom deel. Die hemel is altyd oop en die hel is toe (Hebreërs 4:14-15; 10:19-23). Kom ons gaan vandag na sy troon van genade met ons vrae en ons pyn. Hy verstaan.Here, hier is ek. Dankie dat U my verstaan. Amen.

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.