Bybelse wysheid

DR. ANNES NELGalasiërs 3:13: Christus het ons losgekoop van die vloek wat die wet meebring, deur in ons plek ’n vervloekte te word. Daar staan naamlik geskrywe: ‘Vervloek is elkeen wat aan ’n hout opgehang is’.”“Jesus Christ, we think upon your sacrifice. . . ” Só begin een van die bekende aanbiddingsliedere. U offer, Jesus Christus, is ons hoop! Paulus wil hê gelowiges moet dit reg verstaan. God het nuwe lewe in ons begin deur sy Gees (Gal 3:3,5). Dit is die Gees wat ons verander, nie die wet nie.Die wet vereis volmaakte gehoorsaamheid. As jy een keer faal, val jy onder die vloek (Gal 3:10). Niemand kan die wet perfek nakom nie; daarom is almal vervloek. Ons het redding nodig.Jesus Christus se offer is ons enigste hoop. Deur Hom is die vloek opgehef (3:13). God behandel ons nie meer as veroordeelde sondaars nie, maar as sy kinders. Ons skuld is betaal. God het ons sonde op Hom gelê en sy geregtigheid aan ons toegereken (2 Korintiërs 5:21). Hy is in ons plek veroordeel sodat ons vergewe kan word.Geloof in Jesus is nie nog ’n reël nie. Dit kyk nie na wat ons doen nie, maar na wat Hy gedoen het (3:12). Dit draai weg van onsself en rus net in Hom. Plaas vandag jou vertroue opnuut in Hom, ons enigste hoop en Verlosser. Die vloek is opgehef!Jesus, dankie dat U my vloek gedra het en U geregtigheid aan my gegee het. Amen.

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.