Bybelse wysheid

DR. ANNES NELEksodus 14:13: “Moenie bang wees nie. Staan vas en kyk hoe die Here julle vandag gaan red. . .”’n Storie word vertel van ’n seun wie se ma hom gevra het waaroor die predikant gepreek het. Die seun het gesê Israel het Egipte met lorries verlaat en dat die farao en sy soldate hulle met tenks agternagesit het. Hy het baie opwindende besonderhede bygevoeg. Sy ma vra toe: “Het hy regtig dit gesê?” Hy antwoord: “Nee, Ma. Maar as ek presies vertel wat hy gesê het, sal Ma my nooit glo nie!”Ons wil soms duidelike bewyse hê dat God nog wonderwerke doen. Ongelukkig sien ons nie raak dat God deur natuurlike dinge werk om iets buitengewoons te doen nie.Die verhaal van Israel wat deur die see getrek het, wys dit. Een verslag beskryf net wat mense gesien het. Hulle het ’n wolk bo die mense gesien. Hulle het ’n sterk wind gesien wat die hele nag gewaai het en die see teruggedruk het sodat hulle kon deurgaan. Hulle het gesien hoe die Egiptiese strydwaens probleme kry toe die wiele losraak en hoe die leër verdrink toe die wind ophou waai.’n Ander verslag verduidelik dat die engel van God Israel beskerm het, dat die Here die sterk oostewind gestuur het, die Egiptenare verwar het en die water weer laat terugkom het (Eksodus 14:19-27).Geloof antwoord die vraag “Hoe?” met een woord: God. Geloof is soos ’n bril wat ons help om God se werk raak te sien.Here, maak ons geloofsoë oop. Amen.

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.