Bybelse wysheid

DR. ANNES NELEksodus 10:16–17: “Die farao laat toe haastig vir Moses en Aäron roep en hy sê: ‘Ek het verkeerd gedoen teen julle God, die Here, en teen julle! Vergeef tog asseblief net hierdie keer my oortreding!’”Ná die swaar reën is daar dikwels ’n sprinkaanplaag. Dit was die volgende krisis in Egipte. Tog was dit nie net ’n natuurverskynsel nie. Die Here het ’n oostewind gestuur en die sprinkane het gekom soos Hy gesê het (10:13). Wat die hael nie vernietig het nie, is heeltemal opgevreet. Die land wat eens voorspoedig was, het leeg en verwoes gestaan. Farao noem dit ’n dodelike plaag (10:16-17). In sy nood het Farao sy sonde voor God bely. Sy woorde het nederig geklink, soos tevore (9:27-28), maar sy hart was steeds hard. Hy het God se mag erken, maar daar was geen ware bekering nie.Geen aardse mag kan teen die wil van die Here staan nie. Met elke plaag het God sy gesag gewys. Israel sou eendag vir hulle kinders vertel hoe die Here hulle verlos het (Eksodus 10:2).Navolgers van Jesus laat vaar die farao-gesindheid. Ons belydenis en lewe word ’n eenheid. Laat ons die Here vra om ons harte te deursoek en sag te maak, sodat ons Hom nie net met ons woorde nie, maar met ons dade eer. Mag ons belydenis van sonde ’n blywende uitwerking in ons lewe hê.O Here, bevry ons van voorgee-godsdiens. Amen.

Bybelse wysheid

Kommentaar

Republikein 2026-04-27

Meld asseblief aan om kommentaar te lewer

Bybelse wysheid

Kommentaar

Republikein 2026-04-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.