Bybelse wysheid

DR. ANNES NELEf. 5:21: “Wees uit eerbied vir Christus aan mekaar onderdanig.”“Onderdanig” is nie ’n gewilde woord vandag nie. Baie paartjies vra dat die woord nie in hul huweliksbeloftes gebruik moet word nie.Paulus gee egter ’n nuwe betekenis aan die woord. Hy skryf dat gelowiges hulle aan mekaar moet onderwerp. Dit maak dit wedersyds. Dit gaan nie daaroor dat een persoon oor ’n ander heers nie. Dit beteken om vrywillig die ander eerste te stel. Dit is ’n leefstyl vir Christene.Paulus sê ons doen dit “uit eerbied vir Christus”. Eerbied kan ook “vrees” beteken. Dit herinner ons daaraan dat Christus ons Regter is (2 Kor. 5:10). Eendag sal ons almal voor Hom staan. Dan is almal gelyk.Christus het gewys hoe onderdanigheid lyk: Hy het Homself uit liefde oorgegee en sy lewe vir sy kerk geoffer. Wanneer ons ons aan mekaar onderwerp, volg ons sy voorbeeld van selfopofferende liefde.Hierdie houding is ook gekoppel aan die lewe onder die invloed en beheer van die Heilige Gees (Ef. 5:18). Wanneer die Gees ons lei, kies ons nederigheid eerder as beheer.Die Switserse teoloog Karl Barth het gesê onderdanigheid en ondergeskiktheid is nie dieselfde nie. Christelike onderdanigheid word vrywillig gekies en word gemotiveer deur Christus en sy Gees. Dit is gegrond op liefde en selfopoffering. Ondergeskiktheid het niks met ware Christenskap te doen nie.Here, leer my om my aan ander te onderwerp uit eerbied vir U. Amen.

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.