Bybelse wysheid

DR. ANNES NELFilippense 2:5-8: “Dieselfde gesindheid moet in julle wees wat daar ook in Christus Jesus was. . . Hy was gehoorsaam tot in die dood, ja, die dood aan die kruis.” In Models of the Church verduidelik Avery Dulles dat die kerk ’n dienaar in die wêreld is. Ons is dienaars omdat Jesus ’n slaaf geword het. Richard Cushing het eenkeer gesê dat Jesus nie net die koms van God se koninkryk aangekondig het nie – Hy het Homself gegee om dit ’n werklikheid te maak. Hy het gekom om te dien, om gesond te maak, om mense met mekaar te versoen en om stukkende mense te troos. Jesus is soos die barmhartige samaritaan wat naby ons kom in ons pyn en hartseer.Wanneer ons aan die kerk dink, moet ons na Jesus kyk. Ons volg Hom. Daarom is ons die kerk. Baie mense rondom ons kry swaar, voel alleen of dra swaar laste. Ons is gestuur om saam met hulle te stap, om te luister, om om te gee en om hoop te bring. Dit is ons roeping.Jesus het sy dissipels se voete gewas en was gehoorsaam aan die Vader tot die dood toe. Ons is nie slawe van die wêreld nie, maar dienaars van God. As ons dit onthou, kan ons ander met nederigheid, liefde en moed dien – soos Jesus, God se Dienaar, gedoen het. Kom ons vra vandag: Wil ek belangrik wees, of is ek bereid om te dien soos Jesus?Heilige Gees, vorm ons harte om soos Jesus te wees. Maak ons ’n nederige, dienende kerk. Amen.

Bybelse wysheid

Kommentaar

Republikein 2026-03-03

Meld asseblief aan om kommentaar te lewer

Bybelse wysheid

Kommentaar

Republikein 2026-03-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.