Bybelse wysheid

DR. ANNES NELKolossense 3:10-11: “Julle. . . leef nou die lewe van die nuwe mens, wat al hoe meer vernuwe word na die beeld van sy Skepper en tot die volle kennis van God. Hier is dit nie van belang of iemand Griek of Jood is nie, besny of nie besny nie, andertalig, onbeskaaf, slaaf of vry nie. Hier is Christus alles en in almal.”Elke Sondag in die kerk sien ek ’n wonderwerk. Die mense om my is my broers en susters. Ons kom uit verskillende huise, kulture en tale. Ons het verskillende persoonlikhede en lewensverhale. Tog het ons een Vader. Ons behoort aan God en is familie, nie deur menslike bloed nie, maar deur die bloed van Christus.Paulus herinner ons aan drie dinge: Eerstens, slegs geloof in Jesus maak ons deel van hierdie familie. Tweedens, ons verskil op baie maniere. In Christus verdeel hierdie verskille ons nie. Nasionaliteit, sosiale status en geslag maak nie saak nie. Ons verskille is nie ’n probleem nie – dit is ’n geskenk. Dit verryk ons as een liggaam. Soos dele van een liggaam het ons mekaar nodig. Derdens, soos ons groei om al hoe meer soos Christus te word, raak hierdie verskille al hoe minder belangrik. Christus is al wat saak maak. Hy leef in ons almal.Hendrik Kraemer het gesê die kerk is ’n unieke volk. Dit word nie deur agtergrond of afkoms gedefinieer nie, maar daardeur dat ons aan God behoort.Here, dankie dat U my deel gemaak het van u familie. Help my om dié lief te hê wat anders as ek is. Amen.

Bybelse wysheid

Kommentaar

Republikein 2026-02-27

Meld asseblief aan om kommentaar te lewer

Bybelse wysheid

Kommentaar

Republikein 2026-02-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.