Bybelse wysheid

DR. ANNES NELEfesiërs 2:20: “Julle is ’n gebou wat opgerig is op die fondament van die apostels en die profete, ’n gebou waarvan Christus Jesus self die hoeksteen is.” Jesus leer ons aan die einde van die Bergrede dat ’n lewe ’n vaste fondament nodig het (Matt. 7:24-27). Wie sy woorde hoor en dit doen, bou op ’n rots. Wie hoor maar nie gehoorsaam is nie, bou op sand. Wanneer storms kom, val daardie huis. Die huis wat op sy woorde gebou is, bly staan.Paulus sê die kerk is gebou op die fondament van die apostels en profete. Die profete het vooruit na Christus gewys. Die apostels het Hom gesien en verkondig. Die hart van die kerk is Christus. Hy is die hoeksteen wat alles bymekaar hou. Hy is self die fondament van die kerk (1 Kor. 3:11).Geen gemeente kan bestaan as Christus nie kern is nie. Party mense sien die gemeente net as ’n plek vir troues, begrafnisse en die doop – net om hulle eie behoeftes te bevredig. Die kerk is nie ’n sosiale klub nie. Christus is ons lewe. Ons is deur geloof in Jesus aanmekaar gebind – verlostes deur sy kruis en opstanding.Martin Luther skryf dat die kerk deur die evangelie opgerig en gebou word. Dink vandag: Wat is jou gemeente se fondament? Wy jou weer aan God en sy Woord. Almal sal sien dat jou gemeente die regte fondament het as almal aan Christus verbind is. Dit begin by jou.Here Jesus, U is ons fondament. Amen.

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.