Boodskap in aanloop tot Kersdag

Afwagting vir KersfeesBy die meeste mense, maar nie saak hoe oud of hoe jonk hulle is nie, is daar ’n opgewondenheid oor Kersfees. Daar is ’n gevoel van afwagting in ’n omwens van tyd, sodat Kersdag in al sy heerlikheid kan aanbreek.Net so is daar ook vir ons as kinders van God ’n afwagting vir die wederkoms. ’n Afwagting na die heerlikheid wanneer ons by Jesus kan wees en die tydelikheid en swaarkry van die wêreld kan agterlaat. Ons is opgewonde daaroor en sien daarna uit om weer ons geliefdes te sien wat ons vooruitgegaan het. En daar is so baie heerlikhede om na uit te sien: Daar sal geen aanklag teen ons wees nie. God sal vir ons nuwe, vlekkelose klere aantrek, ons sal nuwe opstandingsliggame ontvang – sonder gebrek en sonder siekte, volmaak. Soos Jesus volmaak is. Ons sal soos Christus word, ons sal ’n nuwe kroon ontvang, ons sal saam met Jesus Christus regeer en ongekende vreugde ervaar. Niks sal ons ontbreek tot in alle ewigheid nie. En, in die wagtyd tot dan, moet ons toegewy aan God lewe tot op die laaste dag – wat ons verwag en waarna ons verlang. Al is die ewige lewe ‘n genadegawe wat ons van God ontvang, moet ons nog steeds volgens Sy eise lewe. Dit beteken dat ons lewensingesteldheid en optrede die hemel sigbaar behoort te maak in ons alledaagse lewe – ook in hierdie tyd voor Kersfees, ook in hierdie tyd waarin nog ‘n lewensjaar na sy einde toe spoed. Ons moet gehoorsaam bly aan wat God van ons vra, want ons sal moet rekenskap gee van ons lewens hier or paarde en hoe ons ons tyd en talente gebruik het.Terwyl ons lewe in afwagting op Christus se wederkoms, kom ons doen dit in toewyding en gehoorsaamheid aan Hom, sodat iets van die hemel waarna ons uitsien, spreek uit alles wat ons doen en sê. Só trek ons ook ander nader aan Christus en beantwoord ons aan ons doel hier op aarde. In Openbaring maak God dele aan ons bekend van wat in die toekoms vir ons voorlê, maar Johannes is verhoed om sekere dele van dié visioen te openbaar. (Openbaring 10) ‘n Engel het ook aan die profeet Dani?l gesê dat party dinge wat hy gesien het, nie – nog nie – aan almal vertel moet word nie. (Dani?l 12:9) Jesus self het aan sy dissipels gesê dat die tyd wat die einde sal aanbreek, net aan God self bekend is. (Markus 13:32-22)God het alles aan ons geopenbaar wat vir ons nodig is om te weet, om nou vir Hom te lewe. Daarom, moet ons nie hierdie belangrike feit uit die oog verloor nie: “In our desire to be ready for the end, we must not place more emphasis on speculation about the last days than on living for God while we wait.” (Unknown)My gebed vir vandag:Here, help my om voluit vir U te leef tot die einde. Help my en wys my hoe om elke dag my skeppingsdoel uit te leef deur ’n verskil in mense se lewens te maak met wie ek in aanraking kom tot U eer.Sleutelverse vir verdere lees wanneer jy stil raak:2 Petrus 3:11-12; 2 Timoteus 4:8; Matteus 24:36-51; Markus13:32-37; Lukas 12:35- 40; Lukas 21:34-36; 1 Korinti?rs 1:7-8; Filippense 3:20; Titus 2:13; Jakobus 5:7-8; Openbaring 2:10-11; Openbaring 3:11-12; Filippense 1:6; 1 Tessalonisense 3:13; 2 Korinti?rs 5:4-5; 1 Korinti?rs 15:42-53 en 1 Petrus 4:13.– Theresa van Zyl

Boodskap in aanloop tot Kersdag

Kommentaar

Republikein 2025-11-03

Meld asseblief aan om kommentaar te lewer

Boodskap in aanloop tot Kersdag

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.