Betaal moet jy betaal
Waar trek ’n mens nou eintlik die streep?
Hoeveel belasting betaal ’n mens per dag, per week, in ’n maand of ’n jaar? En dan is jy ook verplig om belasting op jou bonus te betaal.
Daar word belasting vir die regering van my salaris afgetrek en dan moet ek nog belasting by die winkel en oral betaal sodat die einste belasting weer aan die regering oorbetaal moet word. Wat kom my dan toe? Waar eindig die belastingstorie? Want vir elke klein dingetjie wat jy koop, moet jy opdok vir die staat.
Ek het drie jaar laas my pienk papier geregistreer en moet baie geld daaroor inbetaal, maar gedink dit word dan van my salaris afgetrek. Moet nou reëlings tref om dit af te betaal. Want elke ietsie wat jy koop, moet jy opdok vir die staat. Ek het al vyf jaar gelede begin spaar om belasting te kan betaal, want ek het gesien jy kan niks bekostig as jy nie spesiaal vir belasting begroot nie.
Vir brandstof, motorvoertuig, lisensie, padvervoer, sommer alles.
Wanneer jy geld probeer spaar, moet jy vir dié voorreg belasting betaal. As jy ’n goeie naam by ’n bank wil hê, moet jy ’n goeie betaler van belasting wees by al die plekke waar jy ’n rekening het. Want jy word gedwing om te spaar sodat jy belasting kan betaal. Dit kom nou daarop neer dat die sogenaamde spaarstorie maar ook net ’n ander geldmaakstorie is. Hoe meer jy spaar, hoe meer rente betaal ’n mens aan ’n bank of enige finansiële instelling en hoe meer jy onttrek, hoe meer belasting betaal jy aan die mense wat jou geld oppas.
As ’n mens dus ’n sommetjie maak, werk jy vir driekwart van jou lewe net om belasting te betaal.
Selfs wanneer iemand in jou huis afsterwe moet jy belasting vir die kis, kos, vervoer en selfs vir die graf betaal. Dié storie lyk my ken geen einde nie.
Verlede naweek was ek in Tsumkwe en ’n bekende boer verkoop beeste vir N$2 500 aan die familie wat ’n troue hou en hy vra nog 30% belasting. Verbeel jou ’n bykomende N$750 word by die prys van die slagos gesit. Nee wat, hy het sy os terug in sy kamp gejaag.
Nou los jy jou werk, maar die belasting los jou nog nie. Julle twee moet nog die laaste sente deel. Ek wonder hoeveel betaal die groot maatskappye, as ek oor my paar sente wonder.
Nou kom jy by finansies en die eerste vraag is: “Mevrou is alles op datum”, en daar begin al jou stres.
Dan voel jy die stres begin in jou keel opborrel en die koue sweet slaan agter jou nek uit. Jou twee ogies trek sulke klein skrefies, soos wat jy al die dollarnote voor jou oë sien wegvlieg. Of ek nou my eie taal moet praat of die nasionale taal.
Soos ek na die stories van belasting en die munisipaliteit kyk, is “tot die dood ons skei” ons voorland, want betaal moet jy betaal.
– [email protected]
Hoeveel belasting betaal ’n mens per dag, per week, in ’n maand of ’n jaar? En dan is jy ook verplig om belasting op jou bonus te betaal.
Daar word belasting vir die regering van my salaris afgetrek en dan moet ek nog belasting by die winkel en oral betaal sodat die einste belasting weer aan die regering oorbetaal moet word. Wat kom my dan toe? Waar eindig die belastingstorie? Want vir elke klein dingetjie wat jy koop, moet jy opdok vir die staat.
Ek het drie jaar laas my pienk papier geregistreer en moet baie geld daaroor inbetaal, maar gedink dit word dan van my salaris afgetrek. Moet nou reëlings tref om dit af te betaal. Want elke ietsie wat jy koop, moet jy opdok vir die staat. Ek het al vyf jaar gelede begin spaar om belasting te kan betaal, want ek het gesien jy kan niks bekostig as jy nie spesiaal vir belasting begroot nie.
Vir brandstof, motorvoertuig, lisensie, padvervoer, sommer alles.
Wanneer jy geld probeer spaar, moet jy vir dié voorreg belasting betaal. As jy ’n goeie naam by ’n bank wil hê, moet jy ’n goeie betaler van belasting wees by al die plekke waar jy ’n rekening het. Want jy word gedwing om te spaar sodat jy belasting kan betaal. Dit kom nou daarop neer dat die sogenaamde spaarstorie maar ook net ’n ander geldmaakstorie is. Hoe meer jy spaar, hoe meer rente betaal ’n mens aan ’n bank of enige finansiële instelling en hoe meer jy onttrek, hoe meer belasting betaal jy aan die mense wat jou geld oppas.
As ’n mens dus ’n sommetjie maak, werk jy vir driekwart van jou lewe net om belasting te betaal.
Selfs wanneer iemand in jou huis afsterwe moet jy belasting vir die kis, kos, vervoer en selfs vir die graf betaal. Dié storie lyk my ken geen einde nie.
Verlede naweek was ek in Tsumkwe en ’n bekende boer verkoop beeste vir N$2 500 aan die familie wat ’n troue hou en hy vra nog 30% belasting. Verbeel jou ’n bykomende N$750 word by die prys van die slagos gesit. Nee wat, hy het sy os terug in sy kamp gejaag.
Nou los jy jou werk, maar die belasting los jou nog nie. Julle twee moet nog die laaste sente deel. Ek wonder hoeveel betaal die groot maatskappye, as ek oor my paar sente wonder.
Nou kom jy by finansies en die eerste vraag is: “Mevrou is alles op datum”, en daar begin al jou stres.
Dan voel jy die stres begin in jou keel opborrel en die koue sweet slaan agter jou nek uit. Jou twee ogies trek sulke klein skrefies, soos wat jy al die dollarnote voor jou oë sien wegvlieg. Of ek nou my eie taal moet praat of die nasionale taal.
Soos ek na die stories van belasting en die munisipaliteit kyk, is “tot die dood ons skei” ons voorland, want betaal moet jy betaal.
– [email protected]
Kommentaar
Republikein
Geen kommentaar is op hierdie artikel gelaat nie