20 jaar gelede

MAANDAG 7 NOVEMBER 2005– Die vonke gaan vandeesweek by Namibië se nasionale karweier, TransNamib, spat nadat ’n verslag oor ’n uitgebreide ondersoek deur die Kantoor van die Ombudsman oor ongerymdhede by dié staatsinstelling aan die Minister van Vervoer, mnr. Joel Kaapanda, oorhandig is. – Die sluier is vir die eerste keer oor die werksaamhede van Great Triangle Investments (GTI) gelig met ’n dringende hofaansoek deur Ou Mutual dat die pensioengeld van ’n voormalige werknemer nie uitbetaal word nie. – Net deur ’n kollektiewe oogmerk vir Namibië na te streef, kan welslae behaal word.DINSDAG 8 NOVEMBER 2005– Die legkaart van ’n internasionale beleggingsfoefie deur Great Triangle Investments wat blykbaar ook meer as N$100 miljoen aan Namibiese staatsfondse opgeslurp het, is besig om in plek te val. – Kort voor lank sal dit slegs sewe werksdae neem om ’n paspoort uit te reik en ’n skrale 24 dae om ’n identiteitsdokument te prosesseer. – Die voormalige bestuurder van korporatiewe finansies by die Maatskaplike Voorsorgkommissie (MVK), mnr. Gideon Mulder, se arbeidsgeding teen sy voormalige werkgewer is gister vir ’n onbepaalde tyd uitgestel. WOENSDAG 9 NOVEMBER 2005– Die twee Jones-broers van Windhoek, wie se ouers skynbaar “moed opgegee het met hulle”, is gister net deur verlangse familie in die Hoërhof bygestaan toe hulle saam vir langer as ’n eeu tronk toe gestuur is vanweë die “skraal kans” dat hulle ooit ’n aanwins vir die samelewing sal wees. – Die twaalf rade op kommunale grond in Namibië het gister kwaai onder skoot gekom toe die Adjunk-minister van Grond en Hervestiging, mnr. Isak Katali, gewaarsku het dat dié rade hul sokkies moet optrek anders gaan daar teen hulle opgetree word. – ’n Segspersoon van die meerderheid van die land se landdroste, wat reeds langer as ’n maand in ’n bitter arbeidsgeskil met hul werkgewer betrokke is, het gister gesê hulle staan op die punt om die Hoërhof vir uitsluitsel oor dié stryd te nader. DONDERDAG 10 NOVEMBER 2005– Namibië se mobiele telekommunikasie-maatskappy, MTC, se gesig gaan eersdaags verander met ’n nuwe vennoot wat 34 persent van die aandele gaan opkoop. – Die soektog na die mislukte belegging van meer as N$100 miljoen van die ODC het Dinsdagnag tot ’n slagting onder senior bestuurslede van dié staatskorporasie en die Namibia Development Corporation (NDC) gelei. – Sowat N$1 miljard, wat agt persent van die Namibiese begroting verteenwoordig, is in die komende boekjaar beskikbaar vir droomontwikkelingsprojekte in Namibië ingevolge die Amerikaanse Millenium-uitdaging.VRYDAG 11 NOVEMBER 2005– Hy is maar pas drie dae oud, maar vir die kleinste olifantjie in die Erongostreek het sy veldskooldae reeds aangebreek. – Die notas wat ’n heksejag teen die voormalige minister van handel en nywerheid, mnr. Jesaya Nyamu, ontketen het, is nou die byl waarmee Swapo verdeeldheid tot op die been wil oopvlek.

20 jaar gelede

Kommentaar

Republikein 2026-01-12

Meld asseblief aan om kommentaar te lewer

20 jaar gelede

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.