20 jaar gelede

MAANDAG 24 OKTOBER 2005– Namibië het in ’n doodloopstraat beland wat tot sy eie verwoesting gaan lei as gevolg van korrupsie, verdeeldheid, rassehaat en ’n gebrek aan werklike versoening. – ’n Geneesheer in ’n toergeselskap het op die woestynroete tussen Solitaire en Walvisbaai tot die redding van ’n jong man gekom nadat hy ernstig in ’n motorongeluk beseer is. – Nagenoeg N$83 000 is reeds ingesamel sedert ’n beroep op motorhandelaars vanoor die land gedoen is om bydraes tot die MTC Koppie vir Kanker-uitdaging te maak.DINSDAG 25 OKTOBER 2005– Die ontdekking van ’n kop langs die Rehoboth-pad deur ’n boer wat besig was om gras te sny, is moontlik die grootste deurbraak tot dusver in die ondersoek na die moord op Juanita Mabula, wat sowat ’n maand gelede gesterf het. – ’n Bekommerde ma van Khomasdal in Windhoek bid vir die teendeel nadat haar dogtertjie van twee se geliefde hondespeelmaat, Ore, onlangs dood is en sy kort daarna siek begin word het. – Die aggressiewe meerkat wat Donderdag vyf mense in Kleine Kuppe aangeval en gebyt het, het nie die gevreesde siekte hondsdolheid onder lede gehad nie. WOENSDAG 26 OKTOBER 2005– Die eienaar van ’n lieflike troetelhond moes Maandagaand toekyk hoe hulle hond doodgaan na ’n skoot uit die loop van ’n AK 47-aanvalsgeweer in die hande van ’n polisiebeampte. – Malaria is toenemend een van die grootste siektebedreigings in die land met meer as 600 000 gevalle wat verlede jaar geregistreer is. – Suid-Afrika se eerste laekoste-lugredery, kulula.com, bied van aanstaande week goedkoop vlugte op die roete tussen Johannesburg en Windhoek aan. DONDERDAG 27 OKTOBER 2005– Die eerste fase van die nuwe Staatshuis wat teen ’n koste van nagenoeg N$500 miljoen opgerig word, behoort teen April aanstaande jaar afgehandel te wees. – “Vir spys en drank gee ons u dank” – dit was die spreekwoordelike optrede van vyf aangehoudenes wat die naweek uit die polisieselle op Stampriet ontsnap en hulself aan onder meer die kerk se spys en drank vergryp het. VRYDAG 28 OKTOBER 2005– Twee Namakuras van die Namibiese vloot het haas onherstelbare skade opgedoen toe dit Dinsdagnag in die basis in Walvisbaai gesink het. – Die bekamping van korrupsie het gister sy eerste inslag in die land se hoogste wetgewende liggaam gehad met die voorstelling van ’n direkteur en sy adjunk vir die Teenkorrupsiekommissie.

20 jaar gelede

Kommentaar

Republikein 2025-12-16

Meld asseblief aan om kommentaar te lewer

20 jaar gelede

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.