20 jaar gelede

MAANDAG 11 JULIE 2005– Terwyl ’n senior ampsdraer tydelik weens beweerde korrupsie by die Windhoekse munisipaliteit geskors is, het die stadsraad ’n bykomende N$19,4 miljoen beskikbaar gestel vir salarisverhogings vir die 1 454 amptenare. – Drastiese ondersoeke is na topbestuursposisies in Namibia Wildlife Resorts (NWR) geloods om die maatskappy se naam in ere te herstel en werknemers wat hulle wangedra het, sal die strawwe gevolge daarvan moet verduur. – President Hifikepunye Pohamba het in ’n brief aan Koningin Elizabeth II sy meegevoel met die mense van Brittanje betuig vir die terreuraanvalle op Londen verlede Donderdag. DINSDAG 12 JULIE 2005 – Die grootste struikelblok in die beveiliging van Namibië se paaie is die gebrekkige afdwing van bestaande wetgewing en regulasies. – Drie mense het die afgelope twee dae in motorongelukke tussen Windhoek en Karibib gesterf. – Die tandarts van Rundu wat op 13 Mei landuit gevlug het nadat die Ministerie van Finansies etlike aanklagte van bedrog teen hom aanhangig gemaak het, bevind hom in Kaapstad. WOENSDAG 13 JULIE 2005 – Meer en meer inligting oor ’n beweerde bedrogspul by die Windhoek-munisipaliteit ten opsigte van tendertoekennings kom aan die lig, terwyl die Basterleier, mnr. John McNab wal gooi oor sy familie se betrokkenheid by die skandaal. – Die Hoërhof het gister ondanks teenkanting ’n dringende hofbevel vir die voorlopige likwidasie van die omstrede plaaslike beleggingsfront Avid Investment Corporation toegestaan. – Twee senior lede van TransNamib se bestuur wat blykbaar finansiële voordeel kon trek uit ’n tender wat tans deur die Ombudsman ondersoek word, het gister enige bande met die beleërde GF Group Holdings ten sterkste ontken. DONDERDAG 14 JULIE 2005 – Daar bestaan nie so iets soos ’n Pohamba-regering, ’n Pohamba-ekonomie of ’n Pohamba-administrasie nie, Swapo is en bly Namibië se baas. – Ekonomiese groei is die hartklop van Namibië en net ’n aktiewe vennootskap tussen die Regering en die private sektor kan vir ’n gesonde polsslag sorg. – Namibiërs moet hulle staal vir ongekende prysstygings in elektrisiteit wat selfs tussen 60 en 100 persent kan wees. VRYDAG 15 JULIE 2005– Die ondersoek na beweerde ongerymdhede in die toekenning van tenders by die Windhoek-munisipaliteit gaan Maandag by die vergadering van die stadsraad se bestuurskomitee in oënskou geneem word. – Die twee onderwysers van ’n hoërskool in die Noorde wat Maandag op borgtog van N$1 000 elk vrygelaat is nadat hulle vir die moord op ’n 17-jarige leerling in hegtenis geneem is, is twee maande gelede saam met ander onderwysers in dié streek gewaarsku om hulle van lyfstraf te weerhou. – ’n Brand het Dinsdag vir die vierde agtereenvolgende keer verwoesting by die Junior Sekondêre Skool Dibasen gesaai.

20 jaar gelede

Kommentaar

Republikein 2025-12-18

Meld asseblief aan om kommentaar te lewer

20 jaar gelede

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.