20 jaar gelede

MAANDAG 13 JUNIE 2005 – Een van die slagoffers van die Grootfontein-padslagting is in ‘n skokwending nie Saterdag saam met sy mede-oorledenes op Rundu begrawe nie omdat hy sedert Vrydag vir beweerde bedrog deur die polisie gesoek word. – Die onveiligheid van Namibiese paaie is die naweek herhaaldelik skerp by die grootste massabegrafnis in die land se geskiedenis gekritiseer.– ’n Buitelandse belegger wat miljoene dollars in veral die toerismesektor gestort het, dreig om hom aan Namibië te onttrek weens vakbond-teistering.DINSDAG 14 JUNIE 2005– President Hifikepunye Pohamba en vier ander Afrikastaatshoofde is gister deur die Amerikaanse president, mnr. George W. Bush, geloof vir die demokrasie wat hulle in hul afsonderlike lande uitoefen. – Nóg ’n grootte in die visnywerheid het die slagoffer geword van die lot waaronder die Namibiese visbedryf tans gebuk gaan.– Die 2005 Staatspakhuis Expo is gister amptelik deur mnr. Joel Kaapanda, Minister van Werke, Vervoer en Kommunikasie, in Windhoek geopen.WOENSDAG 15 JUNIE 2005– Minder as ’n dag voor sy vertrek na Nairobi het die Namibiese sewesrugbyspan se deelname aan die Tusker Safari-sewestoernooi gisteraand nog op die randjie van kansellasie gehuiwer. – In ’n dramatiese wending rondom die kritieke kwessie van grondhervorming in Namibië gaan meer landbougrond oor die volgende vyf jaar in kommunale gebiede ontwikkel word as wat daar in dieselfde tyd plase in die kommersiële gebied onteien word.– Die adjunkpresident van Suid-Afrika, mnr. Jacob Zuma, is afgedank nadat hy die naweek nog vir pres. Thabo Mbeki uitgedaag het om teen hom op te tree. DONDERDAG 16 JUNIE 2005– Lutchmanan Ivan Ganes, die gewese aankoopbestuurder van Telecom Namibia wat onlangs skuld op bedrog van N$1,12 miljoen erken het, is effektiewe tronkstraf van twee jaar op 13 bedrogklagte opgelê. – Belastingbetalers sal vanjaar sowat N$94,3 miljoen moet opdok om die staatsmedia in die land aan die gang te hou. – Wapeneienaars kan hulle gereedmaak vir ’n skerp styging in die pryse van die gewildste kaliber jagpatrone weens die administratiewe rompslomp waaroor die plaaslike vuurwapenbedryf onlangs gestruikel het. VRYDAG 17 JUNIE 2005– Die Regering sal daadwerklike pogings moet aanwend om so spoedig moontlik gratis en toeganklike gesondheidsorg en onderwys in die land beskikbaar te stel om die dreigende MIV/vigsramp af te weer. – Die Onderwysersvakbond van Namibië (TUN) het die Ministerie van Onderwys Dinsdag tien dae tyd gegee om bevredigend op hul klagtes in verband met beweerde diskriminerende nuwe salarispraktyke te beantwoord. – Halwe waarhede, vals identifikasiedokumente en polisie-uniforms is die slap riem waarmee niksvermoedende sakelui van die land gevang en afgepers word.

20 jaar gelede

Kommentaar

Republikein 2026-05-04

Meld asseblief aan om kommentaar te lewer

20 jaar gelede

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.