20 jaar gelede

MAANDAG 16 MEI 2005– ’n Ongemaklike vrede het die naweek op Hentiesbaai geheers waar betogende inwoners Donderdag en Vrydag die perseel van die munisipaliteit beset en administrasie op die vlak van plaaslike bestuur tot stilstand gebring het. – Lede van die stadsraad van Okahandja het Donderdagaand tydens ’n gemeenskapsvergadering in die beskuldigdebank gestaan met onbeheersde humeure en chaos wat dié byeenkoms gekenmerk het. – Twee opposisiepartye is Vrydag in ’n stap wat ’n era van groter politieke samewerking en openheid kan inlei, deur President Hifikepunye Pohamba by Staatshuis te woord gestaan.DINSDAG 17 MEI 2005– Terwyl spanning in NG-geledere in Suid-Afrika aan die opbou is en daar selfs bespiegel word dat dié kerk gaan skeur, staan die NG Kerk in Namibië (NGKN) grootliks buite dié dampkring van wydlopende idees. – ’n Ooreenkoms vir afleggingspakkette wat Rhino Garments meer as N$2 miljoen uit die sak gaan jaag, is gister deur die bestuur van dié maatskappy en die Unie vir Namibiese Voedsel- en Verwante Werkers (Nafau) onderteken. – ’n Aansoek dat die uitgerekte hoogverraadverhoor van 120 vermeende Caprivi-rebelle op Grootfontein na die hoofstad moet skuif, sal vandag voor regter Elton Hoff op dié Noordedorp dien. WOENSDAG 18 MEI 2005– Padgebruikers moet hulle volgens die Padfondsadministrasie (RFA) sielkundig begin voorberei vir ’n moontlike styging van 16 sent in die padheffing op die brandstofprys. – ’n Tydelike skikking is tussen die munisipaliteit van Hentiesbaai en betogers bereik danksy die tussenkoms van die streekraadslid van Erongo, mnr. Asser Kapere. – Die Republikeinse Party (RP) bly vasbeslote dat kiesers weens die swak administrasie van verlede jaar se nasionale verkiesings na die stembus moet terugkeer.DONDERDAG 19 MEI 2005– Die skande van alle skandes het die land getref met ’n opdrag uit die Verenigde Nasies se hoofkwartier dat vyf Namibiese soldate onmiddellik uit Liberië “gedeporteer” moet word. – ’n Dokter wat in die eerste helfte van verlede jaar sowat N$4 miljoen se eise by die staat se mediese fonds (PSEMAS) ingedien het, se doppie is geklink. VRYDAG 20 MEI 2005– Een van die belangrikste take waarmee die twee Legal Shield-kuratore hulle besig hou, is om te bepaal hoeveel van dié versekeringsmaatskappy se sowat 90 000 polisse geldig is en hoeveel nie. – Die Namibiese Weermag (NDF) en sy vredesending na Liberië is nog dieper in skande gedompel met die moontlikheid dat die bevelvoerder van die Namibiese kontingent in dié land herroep gaan word.– Die Ministerie van Inligting en Uitsaaiwese het gister in die Nasionale Vergadering bevestig dat die Regering onder die nuwe begroting ’n bykomende N$50 miljoen vir die biografiese prent oor oudpresident Sam Nujoma sal bewillig.

20 jaar gelede

Kommentaar

Republikein 2025-10-27

Meld asseblief aan om kommentaar te lewer

20 jaar gelede

Kommentaar

Republikein 2025-10-27

Meld asseblief aan om kommentaar te lewer

MELD AAN

Advertensie