20 jaar gelede

MAANDAG 18 APRIL 2005– ’n Vertroulike ouditverslag oor die geldsake van die N$50 miljoen biografiese film oor oudpresident Sam Nujoma, het probleme uitgewys wat ongerymdhede en bedrog in die hand kan werk. – Afrikaners het die neiging om hulself só te verryk dat hul leefstyl nie aanpas by die ontwikkeling van die lande nie en dit sal nie in Namibië geduld word nie. – Die onmin in die geledere van die Afrikaanse Metodiste Episkopale Kerk (AMEC) het verdiep met ’n skriftelike versoek deur die geregsbode aan ’n gewese leraar en twee van sy volgelinge wat uit die kerk geloop het, om die sleutels en bates van die Immanuel AME-kerk op Hoachanas te oorhandig. DINSDAG 19 APRIL 2005– Die Ministerie van die Omgewing en Toerisme het die datums en regulasies vir die 2005-jagseisoen bekendgemaak waartydens die publiek op uitnodiging spesifieke wild en voëls in beperkte getalle mag skiet. – Grootskaalse bedrog word aan verskeie fronte by die Windhoek Sentrale Hospitaal – die vlagskip onder staatshospitale in Namibië – ondersoek.– Maar goeie gesondheid skryf sy daaraan toe dat sy haar werk – sy aan sy met haar man, wyle mnr. Werner List – met soveel liefde en oorgawe gedoen het.– Die Kantoor van die Eerste Minister het gister ná beraadslaging met die Staatsdienskommissie, die herontplooiing van ses permanente sekretarisse aangekondig. WOENSDAG 20 APRIL 2005– Die grondstormloop op Swakopmund rol teen ’n dolle tempo voort met indrukwekkende transaksies wat in die eerste drie maande van die jaar beklink is. – Hoëvlak-samesprekings met belanghebbende partye oor die voortslepende onmin in die twee Swapo-kampe op Okahandja sal binne die volgende dae daadwerklik deur die Ministerie van Streek- en Plaaslike Owerheid, Behuising en Landelike Ontwikkeling aangeroer word. – Namibië se onderwysstelsel moet hersien word en daar bestaan geen beter tyd as nou om dit in oënskou te neem en ’n voorstel oor die pad vorentoe te maak nie. DONDERDAG 21 APRIL 2005 – Die herdenking van Swapo se 45ste bestaansjaar stuur hierdie naweek op ’n botsing af, met Pres. Hifikepunye Pohamba en die Swapo-president, mnr. Sam Nujoma, as die twee hoofrolspelers in die drama. – Die nuwe Minister van Arbeid en Maatskaplike Welsyn beloof dat Namibiërs nie ’n derde jaar hoef te wag om te sien dat daar daadwerklik uitdrukking gegee word aan die aanbevelings van twee jaar gelede se presidensiële ondersoek na beweerde ongerymdhede by die Maatskaplike Voorsorgkommissie nie.VRYDAG 22 APRIL 2005– ’n Nagmerrie-ervaring vir ’n plaasgesin van Aranos wat meer as ’n week lank letterlik op hulle plaas gyselaar gehou is, is gisteroggend beëindig toe die Taakmag van die polisie in die plaasbesetting ingegryp het. – Die Congress of Democrats (CoD) en die Republikeinse Party (RP) het die Hoërhof versoek om die proses aan die gang te sit om die verkiesing van lede van die Nasionale Vergadering ongeldig te verklaar.

20 jaar gelede

Kommentaar

Republikein 2025-11-03

Meld asseblief aan om kommentaar te lewer

20 jaar gelede

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.