20 jaar gelede

MAANDAG 28 FEBRUARIE 2005– Onderwyl die opposisie vandag in die Parlement moontlik die groen lig gaan gee vir ’n bykomende begroting wat die staat se mediese fonds van ondergang sal red, wag die Ministerie van Finansies op ’n verslag met voorstelle oor hoe dié reuselas op die staatskas verminder kan word. – Onmin in die hiërargiese struktuur van die Rooms Katolieke Kerk in Namibië is besig om wyer uit te kring en net versoening kan ’n skeuring verhoed. DINSDAG 1 MAART 2005– ’n Tragiese skietongeluk op ’n plaas in die omgewing van Steinhausen het Sondag die lewe van ’n bloedjong seun van Windhoek geëis. – Die skuld van die staat oorskry sy inkomste aangesien die Regering voortdurend geld leen om ou skuld te finansier terwyl min aandag aan nuwe projekte bestee word.– Die voortslepende gemeenskapsverset teen amptenare van die munisipaliteit van Karibib het Vrydag ’n hoogtepunt bereik toe die uitvoerende hoof, die tesourier en haar adjunk uit hul poste geskors het. WOENSDAG 2 MAART 2005– Ongopolo Mining Limited is ’n stap nader daaraan om hulself eersdaags in Zambië te vestig waar dié maatskappy eksklusiewe toegang tot ’n ertsliggaam verkry het. – Bykans tien jaar nadat die Kabinet beginselgoedkeuring verleen het vir die skepping van ’n nasionale jeugdiens word nou ’n tweede poging aangewend om dié diens wettig te maak.– ’n Deurslaggewende ooreenkoms waarin Namibië ’n sleutelrol vervul, word eersdaags in Suidelike Afrika geteken vir die uiteindelike totstandkoming van Afrika se westelike elektrisiteitskorridor.DONDERDAG 3 MAART 2005– Grondeienaars is gereed om vir die eerste keer grondbelasting te betaal, maar weet nie aan wie nie, hulle weet nie waar om te betaal nie en hulle kry nie antwoorde by die owerhede nie. – Die hoop wat die publiek gehad het dat die verbod op die invoer van tweedehandse motors ouer as vyf jaar van buite die Suider-Afrikaanse Doeane-unie (Sacu), vinnig opgehef sou word, het gister beskaam met die bevestiging dat maatreëls daarvoor eers in plek gesit moet word. – ’n Nuwe embleem en slagspreuk vir vanjaar se geskiedkundige onafhanklikheidsvieringe is gister deur Eerste Minister Theo-Ben Gurirab bekendgestel. VRYDAG 4 MAART 2005– Die dringende aansoek om die hertoelating van Utjiua Karuaihe tot Windhoek Hoërskool sodat sy voorlopig met haar Graad 12-klasse kan voortgaan, is gister met koste van die hand gewys. – Benewens die ontvangers van inkomste van Oshakati en Rundu, wat geskors is met klagtes van wangedrag wat teen hulle aanhangig gemaak is, kan nog amptenare in dié kantore dissiplinêre stappe in die gesig staar.

20 jaar gelede

Kommentaar

Republikein 2025-12-19

Meld asseblief aan om kommentaar te lewer

20 jaar gelede

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.