20 jaar gelede

MAANDAG 22 NOVEMBER 2004– Swaar reënbuie wat die afgelope week oor die grootste dele van die land voorgekom het, het tot gevolg gehad dat ’n lokomotief en 12 trokke Donderdagnag tussen Usakos en Kransberg ontspoor het. – Van die bekendste persoonlikhede in die Namibiese politiek is slagoffers van die afgelope verkiesing vir lede van die Nasionale Vergadering. – Die Republikeinse Party (RP) en die Congress of Democrats (CoD) het reeds afsonderlik hul ernstige bedenkinge oor die verkiesingsproses onder die Verkiesingskommisie se aandag gebring.DINSDAG 23 NOVEMBER 2004– Politieke partye bevraagteken die meer as 100 persent stempersentasie in sommige kiesafdelings, maar is dit eens dat die stemmery vry en regverdig verloop het. – ’n Kontrak van meer as N$200 miljoen deur ’n swart bemagtigingsmaatskappy vir ’n nuwe voertuigvloot vir die Namibiese regering is die eerste verkiesingskandaal wat in Swapo se gesig ontplof het. – Die tussentydse direksie van die Ontwikkelingsbrigade-korporasie (DBC) het ’n kriminele klag gelê teen die klerk wat hulle verlede maand na bewering met N$282 444,30 wou inloop.WOENSDAG 24 NOVEMBER 2004– Minstens vyf politieke partye het beswaar by die Verkiesingskommissie aangeteken oor die afgelope kiesproses en gevra dat die stembriewe in die teenwoordigheid van party-agente geoudit word.– Die Ministerie van die Omgewing en Toerisme het gisteroggend opdrag gegee dat ’n volledige ondersoek op die Harnas Gasteplaas ingestel word, nadat ’n besoeker voor die naweek deur ’n mak luiperd aangeval is.DONDERDAG 25 NOVEMBER 2004– Met die Kersseisoen om die draai en die verwagte toename in verkeer op die Namibiese paaie het die munisipale verkeersafdeling hul Broken Window-veldtog vir verskerpte wetstoepassing amptelik in die hoofstad afgeskop. – Met die verkiesing van lede van die Nasionale Vergadering en ’n president van die land agter die rug, is alle oë nou op die streekraadverkiesing wat Maandag en Dinsdag in 102 kiesafdelings plaasvind. – Sean Burger kon tydens sy aansoek om strafversagting steeds nie redes aanvoer vir die gruwelike wyse waarop hy sy gewese vriendin vermoor het nie.VRYDAG 26 NOVEMBER 2004– Swakopmund gaan dié feestyd ’n onwelkome oord vir kriminele wees en oortreders sal hulle vasloop teen die ysterhand van die gereg. – ’n Hofgeveg vroeg in die nuwe jaar gaan vir eens en vir altyd die toenemende spanning rakende die mobiele wooneenhede op Langstrand beslis.

20 jaar gelede

Kommentaar

Republikein 2025-11-03

Meld asseblief aan om kommentaar te lewer

20 jaar gelede

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.