20 jaar gelede

MAANDAG 18 OKTOBER 2004– Wet en orde en volgehoue onderhandelinge het die naweek geseëvier bo emosionele grondeise en dreigemente van plaasbesettings. – Die polisie op Gobabis moes die week in alle haas hul kontrole- en beheerstelsels ondersoek ná ’n burgerlike daarin kon slaag om dié instansie vir byna ’n jaar te infiltreer. – Die Republikeinse Party (RP) het gister in reaksie op die Okozongominja-gebeure te velde getrek teen die houding van die Unie vir Namibiese Plaaswerkers (Nafwu).DINSDAG 19 OKTOBER 2004– Swaar wolkbanke het gister oor bykans die hele Namibië saamgepak in ’n voorspel tot die eerste reën van vandag af vir die seisoen. – President Sam Nujoma het persoonlik in die beskuldigdebank beland in die voorslepende stamtwis in die Noorde weens sy beweerde voortrekkery van die Ondonga-stam en openlike benadeling van die Oukwanyama-stam. – ’n Ooreenkoms oor aanstaande jaar se mieliepryse sal na verwagting vandag tussen die rolspelers in die bedryf bereik word en die aanduiding is dat dit met sowat 6% gaan daal.WOENSDAG 20 OKTOBER 2004– Die eerste mense wat miltsiekte (antraks) opgedoen het, is op Lusu naby Linyanti gediagnoseer nadat dié siekte in Namibië se Caprivistreek versprei het. – Onderhandelinge tussen die Unie vir Namibiese Plaaswerkers (Nafwu) en die eienaar van die plaas Okozongominja in die Otjiwarongo-distrik sal in die volgende week ’n tweede fase betree.– ’n Leerling-priester van die Rooms Katolieke Kerk, wat in Namibië bekend staan as broeder Sacorje Christiano Mapoya (42), sit op Omaruru agter slot en grendel.DONDERDAG 21 OKTOBER 2004– Die ekonomiese verligting wat die onveranderde petrol- en dieselpryse vir Namibiërs inhou, is tydelik en sal spoedig deur peperduur brandstof en stygende inflasie vervang word, het ekonome gewaarsku. – Die diplomatieke immuniteit wat ’n kleinseun van ’n Namibiese diplomaat in Suid-Afrika geniet, het meegebring dat hy ’n vry man uit die Pretoria-gevangenis gestap het. – Die tafel is gedek vir die Namibiese Rugby-unie (NRU) om Saterdag die eindfluitjie vir die slepende probleme in rugby te blaas.VRYDAG 22 OKTOBER 2004– Ondeurdagte wysigings op die laaste oomblik aan die wetsontwerp op arbeid sal meebring dat die regering jaarliks ten minste N$200 miljoen aan inkomste uit maatskappybelasting kan verloor. – Miltsiekte, ook bekend as antraks, het in Namibië se kommersiële landbougebied uitgebreek en Leonardville is onder kwarantyn.

20 jaar gelede

Kommentaar

Republikein 2025-09-17

Meld asseblief aan om kommentaar te lewer

20 jaar gelede

Kommentaar

Republikein 2025-09-17

Meld asseblief aan om kommentaar te lewer

MELD AAN

Advertensie