20 jaar gelede

MAANDAG 11 OKTOBER 2004– Onderwyl Namibië in Bangkok die hoë gestoeltes van natuur- en wildbewaring by die CITES-konferensie beklee, is ‘n drama besig om hom op grensplase langs die Etosha-wildtuin af te speel. – In ‘n plettervat op Namibiese rugby is die uitvoerende komitee, waaronder die twee presidente, van die Namibië Rugby-unie (NRU), op die vooraand van die finaal van die Afrikabeker-reeks summier van hulle poste onthef. – Een van Namibië se bekendste fotograwe van Swakopmund het Saterdagmiddag op die kleinhoewe Hofstein net buite die dorp aan ‘n koeëlwond in sy kop beswyk.DINSDAG 12 OKTOBER 2004– Die druk van sowat meer as een miljoen stembriewe onderskeidelik vir die verkiesing van lede van die Nasionale Vergadering (NV) en ‘n president vir die land, sal eersdaags deur Namib Graphics gedoen word. – Die Namibiese polisie op Okongo in die Ohangwenastreek moes die afgelope naweek tussenbeide tree om ‘n konfrontasie tussen sowat 500 lede van die Oukwanyama-stam en ‘n afvaardiging van die Ondonga-stam af te weer. – Milo, die driejarige Jack Russel, wat onlangs in die nuus was toe hy die dogter van ‘n Spaanse jagter op die jagplaas, Erindi, van ‘n verwoede swartrenoster gered het, het nou die dag pa geword.WOENSDAG 13 OKTOBER 2004– ‘n Geheimsinnige transaksie waarin ‘n onbekende hoeveelheid toermalyn uit ‘n myn van die Ontwikkelingsbrigadekorporasie (DBC) glo wederregtelik teen miljoene van die hand gesit is, is die jongste onhulling voor die Kommissie van Ondersoek wat dié omstrede staatsmaatskappy ondersoek. – Namibië was gister een van die min lande wat oor brandstofpryse kon glimlag: terwyl die olieprys teen US$54 per vat alle vorige rekords laat spat het, is plaaslike pomppryse tot die einde van die jaar gevries. – Die arbeidsmag van die Katima Mulilo-dorpsraad is met 40 persent verminder as deel van ‘n poging om die raad van dreigende bankrotskap te red.DONDERDAG 14 OKTOBER 2004– Die Namibiese Landbou-unie (NLU) staan vandag voor ‘n kruispad met tweespalt onder sy lede oor die posisie wat die unie moet inneem om nog ‘n bestaansreg te hê. – ‘n Ambulansvlug is gistermiddag met een van Namibië se bekendste vlieëniers en sakemanne, mnr. Rudi Kintscher (69), van Swakopmund na Kaapstad onderneem nadat hy Sondag ‘n massiewe hartaanval agter die stange van sy Cessna 210 RKW gekry het. – Regter Elton Hoff sal môre beslis of die media gedwing kan word om ‘n staatsgetuie, wat ‘n lid was van die afstigtingsbeweging in die Caprivi, se identiteit te verswyg.VRYDAG 15 OKTOBER 2004– Die slepende geldkrisis van die beleërde Namibiese Rugbyunie (NRU) is een van die kwessies wat aanstaande Saterdag met die hervatting van die NRU se algemene vergadering op die spits gedryf gaan word. – Drie boewe het die eienaar van die gasteplaas Wüstenquell suid van Usakos, mnr. Hubert Kaspari (69), met draad in ‘n stoel vasgebind, hom daarna wreed aangerand en toe beroof.

20 jaar gelede

Kommentaar

Republikein 2026-08-03

Meld asseblief aan om kommentaar te lewer

20 jaar gelede

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.