20 jaar gelede

MAANDAG 4 OKTOBER 2004– ‘n Bydrae tot die vervoerkoste van ‘n pakkie doodsbeendere van ‘n koning uit Krugersdorp en die daaropvolgende herbegrafnis in ‘n heldeakker op Omaruru, is gister hier voorgehou as ‘n simbool van versoening en vriendskap van Duitsland ná die volksmoord van honderd jaar gelede op die Herero’s. – Namibië het ‘n hoogs gevorderde vervalsingsnetwerk van nasionale dokumente blootgelê. – Drie werknemers van die koerant- en drukkersgroep van maatskappye, Democratic Media Holdingsgroep (DMH), moes vir hul lewens vlug nadat ‘n onderhoud met ‘n sakeman in die Noorde suur geword het.DINSDAG 5 OKTOBER 2004– ‘n Komplot om van sekere senior Swapo-leiers ontslae te raak, word reeds van voor die buitengewone kongres in Mei gevoer. – Die kommissie van ondersoek na die sake van die Ontwikkelingsbrigadekorporasie (DBC) het gister vasgestel dat die voormalige hoofbestuurder van Patriot Construction Company (PCC), mnr. Eddie Champion, N$31 963 vir ‘n privaatbesoek van president Sam Nujoma aan sy plaas van die werk geëis het. – Die Namibiese belastingbetaler het die afgelope sewe jaar N$104 miljoen aan staatshulp in ses plaaslike politieke partye gepomp sonder dat enigiemand weet hoe die geld aangewend is.WOENSDAG 6 OKTOBER 2004– Die toesighoudende owerheid van Namibiese finansiële instellings, Namfisa, het gister ‘n dringende aansoek by die hoërhof ingedien om die besigheid van Legal Shield Namibia onder tydelike kuratorskap te plaas. – Die voormalige hoofbestuurder van Patriot Construction Company (PCC), om wie se kop ‘n bedrogorkaan verlede week losgebars het, het gister volle verantwoordelikheid vir verskeie “verkeerde besluite” by dié staatsmaatskappy aanvaar. – Meer as ‘n duisend artritislyers in Namibië moet hulle nou tot ander behandeling wend, nadat die middel Vioxx aan die mark onttrek is, aangesien dit chroniese gebruikers se risiko op hartaanvalle en beroertes verhoog. DONDERDAG 7 OKTOBER 2004– Die Besturende Direkteur van Legal Shield Namibia, mnr. Quinton van Rooyen, hou vol dat die maatskappy in ‘n uitstekende finansiële posisie is. – Die Namibiese Toesighoudende Owerheid vir Finansiële Instellings (Namfisa) sê Legal Shield Namibia se weiering om spesifieke aangeleenthede en besorgdhede reg te stel om aan die vereistes van die wet op korttermynversekering te voldoen, het regstreeks aanleiding gegee tot ‘n dringende hofaansoek om die maatskappy onder kuratorskap te plaas. – Die familie van die Namibiese huursoldaat wat Dinsdag in Harare, Zimbabwe, dood is, is nog nie amptelik van sy dood in kennis gestel nie.VRYDAG 8 OKTOBER 2004– Die Namibiese regering van President Sam Nujoma staan saam met drie plaaslike maatskappye met noue Swapo-bande, sentraal in die jongste skandaal wat losgebars het rondom President Saddam Hoesein (foto onder) van Irak se Olie-vir- voedsel-program. – Prysgeld van N$15 miljoen wat in ‘n lotery gewen is, is die nuutste geelwortel wat voor die neuse van niksvermoedende inwoners van die land gehang word om bedrog te pleeg.

20 jaar gelede

Kommentaar

Republikein 2025-04-30

Meld asseblief aan om kommentaar te lewer

20 jaar gelede

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie