20 jaar gelede

MAANDAG 2 AUGUSTUS 2004– Die Meob Bay-tragedie waarin 19 seelui naby Lüderitz die lewe gelaat het, is veroorsaak deurdat die hawe-owerheid (Namport) sy plig versuim het en ook vanweë gebrekkige veiligheidsopleiding aan die bemanning.– ’n Klein olifantjie wat binne die bestek van twee dae die verbeelding van duisende Namibiërs aangegryp het, het gister in ’n helde-akker van die Ugabvallei gerus nadat hy Vrydag nie deurgehaal kon word nie.– Die voortdurende streng interne optrede teen regsamptenare van die ministerie van justisie wat hulself aan wangebruik van staatsgeld skuldig maak, is besig om slagoffers te eis.DINSDAG 3 AUGUSTUS 2004– Onmin en tweespalt broei onder die spookgeteisterde gemeenskap van die Etunda-nedersetting nadat ’n pastoor van Keetmanshoop, ene Chris Galant, twee ongeïdentifiseerde onderwysers en bose geeste van Opuwo as die skuldiges in die raaisel van Omusati uitgesnuffel het. – Namibië se 16-jarige kankerpasiënt, Karien van Niekerk, wat ’n motorfiets-uithourit vanaf die Kunene tot Kaapstad geïnspireer het, is die afgelope naweek oorlede.– Die Slag van Papgeld is verlede week op Swakopmund gelewer toe net meer as ’n dosyn vroue by die landdroskantoor betoog het. WOENSDAG 4 AUGUSTUS 2004– Die nuwe presidensiële kompleks van bykans N$500 miljoen wat teen ’n ongekende pas in Auasblick verrys, is opnuut in omstredenheid gedompel. – Die onttrekking van water uit die Tsumeb- en Karstgebiede vir watervoorsiening aan die sentrale deel van die land, sal nie binne die volgende sowat 20 jaar nodig wees nie.– Namibië bevind hom toenemend in ’n krisis van mediese dienslewering wat net behoorlik aangespreek kan word wanneer dié professie aan die einde van vandeesmaand op Swakopmund ’n kongres hou.DONDERDAG 5 AUGUSTUS 2004– Terwyl die regering vandag regstappe uit Swanu-geledere oor die wet op tradisionele owerhede in die gesig staat, is ’n stamtwis gister afgeweer deur die terugtrekking van ’n beoogde proklamasie wat mnr. Joseph Tembwe Mayuni as Mafwe-opperhoof sou erken. – Een ooi, vyf lammers. Dit is waarmee die trotse meneer Willem Beukes, kleinboer van die plaas Itzawisis 45 km noord van Keetmanshoop, spog.– ’n Jong man sal vir minstens die volgende 20 jaar in die tronk moet sit nadat hy ’n vierjarige meisie verkrag het.VRYDAG 6 AUGUSTUS 2004– Die Duitse ambassadeur in Namibië het ’n storm van verontwaardiging ontketen toe hy Woensdag gesê het slagoffers van die volksmoord op die Herero kan van vergoeding vergeet. – Die skorsing van drie senior tronkbewaarders van die Windhoek Sentrale Gevangenis het die week ernstige vrae rondom die algemene dissipline van amptenare en die veiligheid van gevangenes op die voorgrond geplaas.

20 jaar gelede

Kommentaar

Republikein 2026-02-02

Meld asseblief aan om kommentaar te lewer

20 jaar gelede

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.