20 jaar gelede

WOENSDAG 2 JUNIE 2004– Namibië se kwesbaarheid ten opsigte van elektrisiteitsvoorsiening is gisteroggend opnuut bewys toe die land vanaf Ruacana tot Karasburg weens ŉ tegniese probleem in Suid-Afrika etlike ure sonder krag gelaat is.– Op die vooraand van ŉ hoërhofgeding waarin Swapo en die verkiesingskommissie saam met vyf ander ’n interdik moet teenstaan, het ontevrede inwoners van Ongwediva hulle gister tot die strate gewend in protesaksie oor die jongste verwikkelinge op die dorp.– Bemanning aan boord die grootste diamantontginningsboot in die vloot van De Beers Marine Namibia (DBMN) moes die afgelope naweek vinnig spring om ŉ brand te blus.– De Beers en twee vennote, Debswana en Namdeb, het onlangs wêreldwye erkenning ontvang vir die rol wat die maatskappye in die stryd teen MIV/vigs speel.DONDERDAG 3 JUNIE 2004– Die helfte van Namibië se nasionale begroting sal aan onderwys en ander sosiale sektore bestee moet word om te verseker dat die land oor genoeg kundigheid beskik om Visie 2030 ŉ werklikheid te maak, het pres. Sam Nujoma gister gesê. – Air Namibia mik om vandeesweek op twee fronte deurbrake te maak met koopkontrakte van die Boeing 747-400 Combi wat gereed lê en ŉ derde Boeing 737 wat gisteraand in gebruik geneem is.– Regstellende aksie in Namibië vorder na wense, met bykans tien persent meer voorheen benadeeldes wat verlede jaar in senior bestuursposte aangestel is.– ŉ Afname in die voorkoms van misdaad in die hoofstad en omliggende gebiede is die resultaat van die toegewydheid van die polisiebeamptes van die Khomasstreek.– ŉ Finale verslag oor die vloedsituasie en - slagoffers in die Caprivistreek sal binnekort bepaal wanneer die regering ŉ streep onder vanjaar se vloedwerksaamhede kan trek.– Met die verkiesing van raadslede vir plaaslike owerhede bykans drie weke agter die rug, is al die ampsdraers op minstens drie dorpe nog nie ingesweer nie.VRYDAG 4 JUNIE 2004– Die groot Springbokslot Geo Cronjé was vroeër die week die inspirasie vir die Namibiese komediant Lazarus Jacobs toe United-rugbyklub die Suid-Afrikaanse A-span onthaal het. – Ernstige vrae oor ŉ dokter se optrede en vrees dat ŉ baba deur bederfde kos van ŉ winkelrak vergiftig is, doen die rondte op Gobabis na die ontydige dood van die 10 maande oue Denise Beukes.– Swapo se visepresident, mnr. Hifikepunye Pohamba, het gister na afloop van die buitengewone kongres die party se splinters bymekaar begin maak om as ŉ verenigde front die November-verkiesings aan te durf.– Die voortbestaan van die !Uri !khubis-abattoir op Witvlei is op die oomblik in die hande van die Agribank en die regeringsdiens se pensioenfonds.– Die huidige 107 beskuldigdes in die uitgerekte Caprivi-verhoor is vir nog tien weke deur regter Elton Hoff na die selle teruggestuur.

20 jaar gelede

Kommentaar

Republikein 2025-11-04

Meld asseblief aan om kommentaar te lewer

20 jaar gelede

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.