20 jaar gelede

Maandag 18 Augustus 2003- Die rustige gang van toeriste by die Halali-ruskamp in die Etosha Nasionale Park is verlede week versteur met ses leeus wat hulle in die kamp bevind het.- Deurtastende gesprekke vind nou op die hoogste vlak tussen die munisipale owerheid van Windhoek en die regering plaas oor die hoofstad se finansiële las.- Werkersonrus by Walvisbaai se Salt Refiners stuur op ’n krisis teen die einde van Augustus af nadat daar nie sprake van versoening was toe sowat honderd singende lede van die arbeidsmag Vrydagmiddag by die aanleg betoog het nie.Dinsdag 19 Augustus 2003- Die Republikeinse Party beplan om binne twee weke as ’n politieke party by die verkiesingskommissie te registreer om as ’n onafhanklike party aan die komende streek- en algemene verkiesings deel te kan neem.- Die afdelingshoof van die Padkontrakteursmaatskappy (RCC) is midde ’n oudit by dié onderneming op aanklagte van beweerde bedrog geskors.- Die laaste stuiptrekkings van die winter gaan Namibiërs vir die volgende paar dae nog laat bibber wanneer temperature in die Suide met tot 12 grade gaan daal.Woensdag 20 Augustus 2003- Die hongerpyne van ’n vermeende dubbele moordenaar het gisteroggend verrigtinge by die Windhoekse hoërhof met ’n halfuur vertraag toe Stephanus Skeyer aangedring het op kos voordat hy in die getuiebank sal staan.- Vyf kajuitpersoneellede van Air Namibia is gisteroggend met hul aankoms uit Frankfurt summier geskors, hangende die uitslag van ’n ondersoek na beweerde diefstal van die lugredery se eiendom.- Die Prokureursorde van Namibië (LSN) het ’n waarskuwing uitgereik dat enigeen wat wederregtelik geld van die publiek vra vir regsdienste, strafbaar is met ’n boete van tot N$100 000, asook bykomende gevangenisstraf van vyf jaar.Donderdag 21 Augustus 2003- ’n Sluier van geheimsinnigheid is gister oor die jongste noodlottige leeu-aanval getrek ná die gru-dood van ’n 35-jarige man op Kamanjab.- Stygende bedankingsyfers in die onderwys is klaarblyklik toe te skryf aan leerkragte wat hul beroep vaarwel roep om finansiële voordele soos verlof op te eis en dan opnuut aansoek te doen vir werk.- Vrek koud! Dit was gister die kommentaar uit die suidoostelike deel van Namibië waar kapok tot lank ná sonop die aarde met ’n wit kleed bedek het.Vrydag 22 Augustus 2003- Die vlaag van gewapende rooftogte op buitelandse besoekers aan Swakopmund woed voort en gisteroggend moes twee hoë gaste van ’n maatskappy wat miljoene dollars in die dorp belê het, letterlik landuit vlug voor misdadigheid.- Die Namibiese regering het opnuut die versekering gegee dat die bepalings van die Grondwet sal geld in die proses van grondhervorming wat volgens grondsake-minister, mnr. Hifikupunye Pohamba, dusver sonder noemenswaardige struikelblokke verloop het.

20 jaar gelede

Kommentaar

Republikein 2026-03-20

Meld asseblief aan om kommentaar te lewer

20 jaar gelede

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.