20 jaar gelede

MAANDAG 23 OKTOBER 2006– Woede het Vrydagaand in Windhoek se Khomasdal-woonbuurt die oorhand gekry en ’n man het op sy gesin en skoonsuster losgebrand. – ’n Swaard hang oor Namibië se mees marginale inheemse inwoners, die San, met die moontlikheid dat hulle die oop vlaktes van die N≠a Jaqna-bewaringsgebied waar hul woon, kan verloor. DINSDAG 24 OKTOBER 2006– Twee polisiebeamptes wat daarvan verdink word dat hulle geld van ’n aangehoudende gesteel het, het gister vir die tweede keer vanjaar in die landdroshof in Windhoek verskyn. – Amerika het Vrydag formeel sy aansoek vir die uitlewering van die Israeliese burger, mnr. Kobi Alexander, aan die Namibiese owerhede oorhandig.– ’n Geskorste polisieman wat wag op ’n finale dissiplinêre verhoog, se hulp moes ingeroep word om ’n diefstalsaak op te los omdat dienende polisiebeamptes nie ’n klaer wou help nie.WOENSDAG 25 OKTOBER 2006– Die tronkdeur het gister vir 45 jaar agter Joseph Gerson Gariseb (25), een van die moordenaars van mnr. Uwe Kopetzky (65), toegeklap terwyl sy oom en medebeskuldigde, Esegiel Gariseb (44), waarskynlik sy lewe met ’n vonnis van 42 jaar tronkstraf agter tralies gaan slyt. – Die Eros-vallei gholflandgoed, die grootste enkele ontwikkelingsprojek in Windhoek se geskiedenis, is in die hoofstad aangekondig.– Operateurs van swaar toerusting in Rössing se oopgroef staak. DONDERDAG 26 OKTOBER 2006– Arbeidsvrede het na die Rössing Uraanmyn teruggekeer toe operateurs van swaar toerusting in die oopgroef gister spontaan weer begin werk het. – Sowat 600 000 Namibiërs kan nou potensieel aansoek doen vir ’n uiters bekostigbare kredietkaart in die land danksy ’n slimvennootskap tussen MTC en Standard Bank Namibia– Windhoekers gaan Saterdag ’n aanslag op ’n wêreldrekord maak wanneer 700 liter kookolie en 50 kilogram vetkoekdeeg ingespan gaan word om die grootste vetkoek ooit te bak. VRYDAG 27 OKTOBER 2006– Wanneer ander negejariges hierdie Kersfees blinkoog hul Kersgeskenke geniet, sal Namibië se “ratelkind” Johannes Hanse vir die eerste keer in maande weer mooi kan glimlag, normaal kan eet en sy mondjie kan toemaak. – Die Hardap-streekraad sal vandag aan die voorsitter van die Staatsdienskommissie, mnr. Eddy Amkongo, antwoorde moet verskaf waarom twee amptenare van die raad vir meer as 20 weke geskors is sonder dat hulle dissiplinêr aangekla is.

20 jaar gelede

Kommentaar

Republikein 2026-10-30

Meld asseblief aan om kommentaar te lewer

20 jaar gelede

Kommentaar

Republikein 2026-10-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.