20 jaar gelede

MAANDAG 29 MEI 2006– Honderde sjebeeneienaars wat in Windhoek opgeruk het en maandeindverkeer in die middestad voor Staatshuis ontwrig het, verwag voor die einde van die week skriftelike antwoorde oor die bedryf se toekoms. – Ondanks die meer as 6 000 werksgeleenthede op die spel, het die regering aangedui dat hy nie die multimiljoendollar-tekstielaanleg in Otjomuise van Ramatex gaan koop in ’n poging om die Maleisiese vervaardiger van ondergang te red nie.– Die MTC Namibiese rugbyspan is Saterdag gemaklik oor sy eerste hekkie na Wêreldbeker-kwalifikasie, terwyl ongekende toeskouersherlewing Saterdag die Namibiese Rugby-unie genoop het om die hekke kort ná die aanvang van die wedstryd oop te gooi. DINSDAG 30 MEI 2006– ’n Hartlike woord van verwelkoming is gister deur die Eerste Minister, mnr. Nahas Angula, aan baba Shiloh Nouvele Jolie-Pitt gerig.– Druk van handelsbanke in Maleisië op Ramatex om sy skuld aan die banke terug te betaal, kan dalk die sleutel hou tot die reuse-afkoopprys wat Ramatex nou van die Regering eis om die deure van Namibie se eerste en enigste tekstielfabriek oop te hou.– Om ’n basiese inkomstetoelaag van N$100 per maand aan alle Namibiërs te betaal, is nie ’n ekonomies lewensvatbare opsie vir die Regering nie.WOENSDAG 31 MEI 2006– Angelina Jolie was ’n ideale pasiënt, byna kinderlik tevrede met alles wat vir haar gedoen is, so amper naïef in die mooi sin van die woord. – ’n Skerp styging in die prys van elektrisiteit en voorsieningstekorte in die afsienbare toekoms gaan groot happe uit die Namibiese verbruiker se sak vreet en veroorsaak dat ladingbeheermaatreëls onafwendbaar is. – Regslui sal na aanleiding van ’n besluit deur die Regsgenootskap van Namibië (LSN) voortaan waarskynlik aansienlik versigtiger wees wanneer hul vingers oor die sompompie dans.– Inwoners van die Ehenye-woonbuurt in Oshakati gaan binnekort by 2 200 nuwe huise intrek wat deur die Nasionale Behuisingsonderneming (NHE) gebou is. DONDERDAG 1 JUNIE 2006– Mediese personeel by staatsklinieke in Windhoek is gewaarsku om spesiale beskermde klere te dra nadat ’n vreemde en skynbaar dodelike siekte in plakkerskampe by Katutura uitgebreek het. – Die Regering het Ramatex verlede week, ’n week voor die amptelike sperdatum, in geen onsekere taal meegedeel dat hy nie bereid is om die omstrede tekstielfabriek te koop nie. – Die moederskap van ’n 14-jarige skoolkind op Karibib het ’n politieke storm ontketen met klagtes van statutêre verkragting teen ’n vooraanstaande en omstrede voormalige burgemeester en huidige bestuurskomiteelid van Usakos, mnr. Daniel Stramis, wat op sy beurt met stappe dreig oor die slepende moddergooiery teen hom. VRYDAG 2 JUNIE 2006– Vrees oor ’n dodelike siekte kring sodanig uit dat spesiale noodspanne reeds as eerste linie ontplooi is om inligting te bekom oor die oorsprong van ’n onbekende virus wat reeds meer as 20 volwassenes uit Windhoek en die hoofsetels uit Windhoek en die hoofsetels van Otjozondjupa- en Hardapstreek verlam gelaat en drie se lewens geëis het. – Die polisie ondersoek die dood van ’n gevangene by die Okakarara-polisiestasie in die Otjozondjupastreek, nadat hy en ’n makker verlede naweek probeer ontsnap het. – Namibiërs se kans om vir die eerste keer in lewende lywe saam met die omstrede groep @*#*@-polisiekar te rock, is deur die kêrels se naam en reputasie gekelder.

20 jaar gelede

Kommentaar

Republikein 2026-09-17

Meld asseblief aan om kommentaar te lewer

20 jaar gelede

Kommentaar

Republikein 2026-09-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.