20 jaar gelede

MAANDAG 22 MEI 2006– ’n Joernalisfotograaf van Suid-Afrika, mnr. John Liebenberg, het die naweek in die polisieselle op Walvisbaai deurgebring nadat hy Saterdag in die polisiehoofkantoor op die dorp in hegtenis geneem is. – Een van die grootste bedrogskandale met telekommunikasie is in Windhoek deur die Namibiese polisie oopgevlek.– Snerpende koue, swaar ryp en winterreënstorms was die naweek Namibië se inleiding tot die winter van 2006. DINSDAG 23 MEI 2006– Harde woorde en ’n ernstige beroep om ’n einde aan die sogenaamde “burgeroorlog” in die geledere van plaaslike owerhede te maak, was gister die boodskap van die Adjunkminister van Streek- en Plaaslike Owerheid, Behuising en Landelike Ontwikkeling, mnr. Kazenambo Kazenambo. – ’n Skok wag vanoggend op enige persoon wat aansoek doen vir ’n visum of werk-, studie- op verblyfpermit in Namibië nadat die koste oornag met tot soveel as 500% gestyg het. – Met die Groot Karasberge gisteroggend in ’n wit ryplaag getooi en temperature wat tot vyf grade onder vriespunt gedaal het, word die tweede kouefront in die verre suide van die land vandag verwag. – Die Regering se jakkalsdraaie met die Wet op Grondhervorming wat reeds ’n verleentheid vir die Prokureur-generaal geword het, het die Minister van Grond en Hervorming, mnr. Jerry Ekandjo, gister weer in die Höerhof laat beland. WOENSDAG 24 MEI 2006– Die telefoonbedrogskandaal wat pas in Namibië oopgevlek is, het uitermatige telefoontariewe in die land in die kalklig geplaas. – Die grondtamboer bulder weer vanaf ’n verhoog in Harare waar Namibië vandeesweek die “Zimbabwiese model van grondhervorming” met lof bestrooi het. – Namibië se verdedigingsnywerheid onder die vaandel van August 26 Holdings wat in sommige gevalle in groot omstredenheid gedompel is, gaan met ’n skoenfabriek op Okahandja verder uitgebrei word.– Uitspraak is Maandag kort voor middagete voorbehou in die drieledige dringende aansoek teen Namangol Investments en die maatskappy se omstrede eienaar, mnr. Nico Josea. DONDERDAG 25 MEI 2006– Publieke vakansiedag. VRYDAG 26 MEI 2006– Al meer tekens wys volgens die Speaker, mnr. Theo Ben Gurirab, dat korrupsie ’n al stewiger vastrapplek in Namibië kry. – Die omstrede Harare-uitsprake van die adjunkminister van grondsake, mnr. Isak Katali, is lynreg teen ’n kabinetsbesluit verlede maand en internasionale gerusstellings deur die regering oor ordelike grondhervorming in die land. – Die rietbos by die rustige en gewilde Tiger Reef op Swakopmund se suidstrand was Woensdagmiddag leeuwêreld toe ’n Suid-Afrikaanse fotojoernalis, John Liebenberg, ’n tweede keer binne vyf dae vir beweerde betreding op die spoor van die beroemde Hollywoodse egpaar, Angelina Jolie en Brad Pitt, aangekeer is.

20 jaar gelede

Kommentaar

Republikein 2026-09-16

Meld asseblief aan om kommentaar te lewer

20 jaar gelede

Kommentaar

Republikein 2026-09-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.