20 jaar gelede

MAANDAG 27 MAART 2006

– Twee beseerde vuiste van Jafet Uutoni in die gouemedaljegeveg het Namibiese roem en deursettingsvermoë by die Statebondspele in Melbourne, Australië, verewig. 

– Die Ministerie van die Omgewing en Toerisme gaan vir die volgende ses jaar etlike miljoene in die verbetering van die bestuur van nasionale parke inpomp ten einde armoede in die land te verlig en te verseker dat toerisme ’n kernrol in die land se ekonomie speel.    

– Inligting uit twee nadoodse ondersoeke op oorlede mnr. Lazarus Kandara wat Vrydag voor die landdroshof gedien het, bewys nie onteenseglik dat die omstrede makelaar homself noodwendig uit die weggeruim het nie.

DINSDAG 28 MAART 2006

– Indien alle Namibiërs nie hande vat in die stryd teen korrupsie nie, sal die euwel van wanbestuur en oneerlikheid in openbare aangeleenthede Namibiërs van die geleentheid beroof om hul volle potensiaal te bereik. 

– Die geregtelike ondersoek na die dood van die omstrede mnr. Lazarus Kandara het gisteroggend tot stilstand geruk weens ’n beswaar dat die landdros dalk persoonlik betrokke is.                                                    

– Die finansiële hoof van die Namibiese polisie, komm. Joseph Kamati, het gister vlugtig in Windhoek se landroshof op klagte van beweerde diefstal verskyn.

WOENSDAG 29 MAART 2006

– ’n Inbreker van ’n ander aard is Maandagmiddag helder oordag in die slaapkamer van die Pienaar-gesin op Otjiwarongo betrap.           

– ’n Rekordprys vir dorpers in Namibië, wit en ander, is verlede week by ’n gesamentlike stoetveeveiling van mnre. Kosie Esterhuizen en Floors Nell op die plaas Constantia in die Tweerivier-omgewing behaal.    

DONDERDAG 30 MAART 2006

– Voortslepende geweld in die suide van Afghanistan, wat nou ’n teelaarde vir handel in onwettige dwelmmiddels en rebelle-opstande is, het vroeër vandeesweek die lewe van ’n 51-jarige Namibiër, mnr. Horst-Dieter Froese, geëis.                                               

– Die vorige NBC-baas, mnr. Gerry Munyama, het gister vlugtig in die landdroshof in Windhoek op aanklagte van bedrog, of alternatiewelik diefstal, van N$346 415,88 en vervalsing van uitgifte verskyn.   

– ’n Liefdesdriehoek, ’n jaloerse man en ’n naggefuif was die naweek die voorspel tot die drama wat hom rondom Staatshuis afgespeel het, waar ’n swaar gewapende weermag-offisier hom teen die gereg en presidensiële wagte vasgeloop het.

VRYDAG 31 MAART 2006

– Die vervoerkrisis waarin die Regering hom gereeld bevind gaan van vandag af vererger met die beëindiging van die Omatemb- huurkontrak vir 858 voertuie en die besluit dat dié kontrak nie hernu gaan word nie.            

– Die stand van Namibië se ekonomie is gesond en vooruitsigte vir 2006 is rooskleurig, die finansiële sektor, wissel- en inflasiekoers is bestendig en rentekoerse bly op sy laagste vlakke ooit.

– Die Minister van Finansies, me. Saara Kuugongelwa- Amadhila, het gister lig gewerp op onduidelikhede in die nasionale begroting wat beleggers moontlik die skrik op die lyf kon jaag.