Wetsontwerp vir boubedryf bly sloer

Die langverwagte wetsontwerp op die konstruksiebedryf is steeds vasgevang in die finale stadiums van interne regeringsprosesse. Volgens die minister van werke en vervoer, Veikko Nekundi, is die vertraging in die voorlegging aan die parlement te wyte aan herhaalde konsultasies en die kompleksiteit van die konstruksiesektor.Nekundi het tydens ‘n vraag-en-antwoord-sessie in die parlement gesê die wetsontwerp nader die einde van die interne proses, maar het erken voortgesette versoeke vir konsultasies en verdere insette van rolspelers in die bedryf het tot die vertraging bygedra. Volgens die minister sal die wetsontwerp binnekort aan die kabinetskomitee vir wetgewing voorgelê word. Nekundi het gesê die diversiteit van rolspelers in die bedryf het die wetgewende proses meer ingewikkeld gemaak het as wat verwag is. Dit omdat kontrakteurs en ander deelnemers herhaaldelik bekommernisse geopper het wat verdere oorweging vereis het.Nekundi het gesê die regering wil hê die wetgewing moet voordelig wees vir diegene wat in die bedryf werksaam is; daarom is voortgesette betrokkenheid noodsaaklik, ongeag die tyd wat dit in beslag geneem het.Die minister het egter erken dat die herhaaldelike konsultasies een van die grootste struikelblokke geword het om vordering met die wetsontwerp te maak.Nekundi het gesê kontrakteurs het op grond van hul daaglikse ervarings, voortdurend struikelblokke identifiseer wat hul deelname aan die bedryf belemmer en wat weer tot verdere gesprekke met die ministerie lei.“Ons is nou in die finale stadium om die wetsontwerp aan die kabinetskomitee, dan die kommissie van die prokureur-generaal, en uiteindelik aan die Nasionale Vergadering vir verwerking voor te lê,” het hy gesê.BUITELANDSE MAATSKAPPYEBuiten vir die wetgewende vertragings, het Nekundi kommer uitgespreek oor die beperkte vermoë van Namibiese kontrakteurs om mee te ding vir groot konstruksieprojekte. Volgens hom word die projekte grootliks deur buitelandse ondernemings oorheers. Nekundi het gesê slegs drie of vier plaaslike rolspelers in die bedryf beskik oor die vermoë om aan sulke projekte deel te neem, en selfs hul kapasiteit is uiters beperk.Hy het verwys na plaaslike kontrakteurs wat nie oor die nodige ervaring, toerusting, personeel en finansiële waarborge beskik om mee te ding vir ‘n groter deel van groot bouprojekte nie.Nekundi het hierdie vereistes uitgewys as van die vernaamste struikelblokke wat verhoed dat Namibiese ondernemings voldoende aan die konstruksiebedryf deelneem.Volgens hom is swaar konstruksiemasjinerie te duur om aan te skaf en te onderhou, wat plaaslike kontrakteurs in 'n nadelige posisie plaas wanneer hulle vir groot projekte tender.Die minister het verwys na die behoefte aan gekwalifiseerde personeel, sowel as die 10%-waarborg wat ingevolge verkrygingsreëlings vereis word om te kan kwalifiseer. Nekundi het verwys na die regering se voorgestelde ontwikkelingsprogram vir plaaslike kontrakteurs wat sal help om die uitdagings te takel en meer Namibiese maatskappye in staat sal stel om aan groot projekte deel te neem. VENNOOTSKAPPENekundi het ook bevraagteken hoe plaaslike kontrakteurs deelneem aan groot projekte wat deur vennootskappe toegeken word. Volgens hom blyk dit dat sommige na bewering op papier voorkeurbehandeling geniet sonder om die werk betekenisvol uit te voer.Die minister het gesê die regering het reeds reëls vir gesamentlike ondernemings ingestel wat bedoel is om plaaslike besighede voorkeurbehandeling te gee, maar dat ware deelname in praktyk nie altyd weerspieël word nie. Volgens Nekundi is sommige plaaslike kontrakteurs as subkontrakteurs of gesamentlike ondernemingvennote aangebied sonder om 'n wesenlike rol in die uitvoering van die projekte te speel.Die hoop is volgens Nekundi om die uitdaging deur die komende ontwikkelingsprogram te takel wat bedoel is om plaaslike kontrakteurs se vermoë te versterk om betekenisvol aan konstruksieprojekte deel te neem. Volgens Nekundi is die uitdaging nie net die gebrek aan kapasiteit onder Namibiese besighede is nie, maar ook of bestaande reëlings wat bedoel is om plaaslike deelname te bevorder, hul beoogde resultate lewer.ONTWIKKELINGSPLANDie minister het gesê die ministerie het in samewerking met relevante rolspelers die ontwikkelingsprogram gefinaliseer. Die proses het konsultasies met die openbare verkrygingseenheid onder die vaandel van die ministerie van finansies, asook ander verwante rolspelers behels. Die program sou na verwagting binne die volgende weke voorgelê word aan die kabinetskomitee vir ekonomiese ontwikkeling. “Ons glo dat soos ons deur hierdie konsultasie- en ontwikkelingsprogram 'n hele aantal plaaslike kontrakteurs in staat sal stel om aan hierdie projekte deel te neem,” het hy gesê.Nekundi het nie ‘n datum verskaf oor wanneer die wetsontwerp uiteindelik in die Nasionale Vergadering ter tafel gelê sou word nie. - nikanor@nmh-hub.com.na

Wetsontwerp vir boubedryf bly sloer

Kommentaar

Republikein 2026-10-20

Meld asseblief aan om kommentaar te lewer

Wetsontwerp vir boubedryf bly sloer

Kommentaar

Republikein 2026-10-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.