Vertroue in land se leierskap taan
Werkloosheid Namibiërs se grootste bekommernis
Namibiërs se vertroue in die regering en affiliasie met die regerende party het 'n knou gekry.
Jeanette Diergaardt
’n Meerderheid van Namibiërs (76%) wat onlangs aan ’n Afrobarometer-opname deelgeneem het, meen die land beweeg in die verkeerde rigting.
Die meerderheid se vertroue in en prestasiegraderings van die president, eerste minister en regerende party het eweneens verswak.
Slegs 27% sê nou die regering hanteer die ekonomiese bestuur “taamlik goed” of “baie goed” – vergeleke met die destydse 66% wat in ’n 2014 Afrobarometer-opname in Namibië aangeteken is.
Nóg minder is tevrede met die regering se vermoë om pryse stabiel te hou (23%). Hulle is ook ontevrede met die regering se vermoë om armes se lewenstandaarde te verbeter (23%), die gaping tussen die rykes en armes te vernou (17%) en werksgeleenthede te skep (15%). Al dié syfers het skerp geduik sedert opnames in 2014.
Werkloosheid word die hoogste gereken (61%) onder die dringendste probleme wat Namibiërs wil hê hul regering moet takel, gevolg deur watervoorsiening (22%) en korrupsie (20%).
VERLOOR RIGTING
Die Afrobarometer-verslag, getiteld “Namibians lack confidence in economy, express rising dissatisfaction with government”, het Namibiërs se veranderende sienings oor die land se ekonomiese trajek ondersoek tesame met die veranderende openbare steun vir sy regerende party.
“Sedert 2017 – en veral sedert 2019 – het Namibiërs aansienlik meer pessimistiese sienings uitgespreek oor die land se algemene rigting en ekonomiese toestand, sowel as hul persoonlike lewensomstandighede.
“Werkloosheid bly verreweg die mees opvallende kwessie vir Namibiese kiesers.
“Evaluerings van regeringsprestasie het intussen aansienlik meer negatief geword. Goedkeuring van, nabyheid aan, vertroue in en steun vir Swapo en sy nasionale leierskap het ook gekrimp.”
Die opname het bevind die proporsie van Namibiërs wat sê die land beweeg in die verkeerde rigting is die hoogste onder stedelike inwoners (79%), respondente tussen die ouderdomme van 26 en 35 (81%), diegene met onderrig tot sekondêre vlak (80%), en arm burgers (85%).
’n Meerderheid vroue (77%) sowel as mans (76%) stem ooreen dat die land in die verkeerde rigting beweeg.
Slegs 22% van Namibiërs glo die land is op die regte pad, vergeleke met 72% van respondente in 2012.
MIN VERTROUE
Twee derdes (67%) van die respondente beskryf hul land se ekonomiese toestand as “redelik sleg” of “baie sleg”, terwyl meer as die helfte (52%) dieselfde sê oor hul persoonlike lewensomstandighede.
Slegs 9% het gesê die ekonomie vaar “baie goed” en 15% het gesê dit vaar redelik goed.
Die verslag het uitgelig dit is ’n “effense verbetering in vergelyking met 2019”, maar het opgemerk “in elke opname wat voor 2017 gedoen is, het ’n meerderheid aangedui dat die land se ekonomiese toestand goed was”.
PRESTASIE
Die aantal Namibiërs wat Swapo “sterk” vertrou, het sedert 2014 met meer as die helfte gekrimp – van 42% tot 17%. Dieselfde geld vir sterk vertroue in die president (van 56% tot 26%) en die eerste minister (van 50% tot 18%).
Net so het prestasiegraderings vir die president en eerste minister die afgelope agt jaar skerp afgeneem. ’n Skraal meerderheid (54%) van die burgers sê steeds president Hage Geingob verrig ’n “redelike” of “baie goeie” taak, maar dié proporsie het sedert 2014 konsekwent afgeneem.
Aan die ander kant het 43% van Namibiërs gesê hulle is ontevrede met, of keur die president se werkprestasie ten sterkste af.
– [email protected]
’n Meerderheid van Namibiërs (76%) wat onlangs aan ’n Afrobarometer-opname deelgeneem het, meen die land beweeg in die verkeerde rigting.
Die meerderheid se vertroue in en prestasiegraderings van die president, eerste minister en regerende party het eweneens verswak.
Slegs 27% sê nou die regering hanteer die ekonomiese bestuur “taamlik goed” of “baie goed” – vergeleke met die destydse 66% wat in ’n 2014 Afrobarometer-opname in Namibië aangeteken is.
Nóg minder is tevrede met die regering se vermoë om pryse stabiel te hou (23%). Hulle is ook ontevrede met die regering se vermoë om armes se lewenstandaarde te verbeter (23%), die gaping tussen die rykes en armes te vernou (17%) en werksgeleenthede te skep (15%). Al dié syfers het skerp geduik sedert opnames in 2014.
Werkloosheid word die hoogste gereken (61%) onder die dringendste probleme wat Namibiërs wil hê hul regering moet takel, gevolg deur watervoorsiening (22%) en korrupsie (20%).
VERLOOR RIGTING
Die Afrobarometer-verslag, getiteld “Namibians lack confidence in economy, express rising dissatisfaction with government”, het Namibiërs se veranderende sienings oor die land se ekonomiese trajek ondersoek tesame met die veranderende openbare steun vir sy regerende party.
“Sedert 2017 – en veral sedert 2019 – het Namibiërs aansienlik meer pessimistiese sienings uitgespreek oor die land se algemene rigting en ekonomiese toestand, sowel as hul persoonlike lewensomstandighede.
“Werkloosheid bly verreweg die mees opvallende kwessie vir Namibiese kiesers.
“Evaluerings van regeringsprestasie het intussen aansienlik meer negatief geword. Goedkeuring van, nabyheid aan, vertroue in en steun vir Swapo en sy nasionale leierskap het ook gekrimp.”
Die opname het bevind die proporsie van Namibiërs wat sê die land beweeg in die verkeerde rigting is die hoogste onder stedelike inwoners (79%), respondente tussen die ouderdomme van 26 en 35 (81%), diegene met onderrig tot sekondêre vlak (80%), en arm burgers (85%).
’n Meerderheid vroue (77%) sowel as mans (76%) stem ooreen dat die land in die verkeerde rigting beweeg.
Slegs 22% van Namibiërs glo die land is op die regte pad, vergeleke met 72% van respondente in 2012.
MIN VERTROUE
Twee derdes (67%) van die respondente beskryf hul land se ekonomiese toestand as “redelik sleg” of “baie sleg”, terwyl meer as die helfte (52%) dieselfde sê oor hul persoonlike lewensomstandighede.
Slegs 9% het gesê die ekonomie vaar “baie goed” en 15% het gesê dit vaar redelik goed.
Die verslag het uitgelig dit is ’n “effense verbetering in vergelyking met 2019”, maar het opgemerk “in elke opname wat voor 2017 gedoen is, het ’n meerderheid aangedui dat die land se ekonomiese toestand goed was”.
PRESTASIE
Die aantal Namibiërs wat Swapo “sterk” vertrou, het sedert 2014 met meer as die helfte gekrimp – van 42% tot 17%. Dieselfde geld vir sterk vertroue in die president (van 56% tot 26%) en die eerste minister (van 50% tot 18%).
Net so het prestasiegraderings vir die president en eerste minister die afgelope agt jaar skerp afgeneem. ’n Skraal meerderheid (54%) van die burgers sê steeds president Hage Geingob verrig ’n “redelike” of “baie goeie” taak, maar dié proporsie het sedert 2014 konsekwent afgeneem.
Aan die ander kant het 43% van Namibiërs gesê hulle is ontevrede met, of keur die president se werkprestasie ten sterkste af.
– [email protected]
Kommentaar
Republikein
Geen kommentaar is op hierdie artikel gelaat nie