Verslag: Vroue beklee 63% van staatsdiensposte
Meer mans in bestuursposisies
Oor die verslagtydperk is 23 aanstellings by kantore, ministeries en agentskappe gemaak, 278 bevorderings is aangeteken, 424 werknemers is oorgeplaas, 244 personeellede het vroeë aftrede gekies en 86 personeellede is weens swak gesondheid ontslaan.
Ogone Tlhage - Terwyl staatstrukture byna twee keer soveel vroue as mans in diens het, bevind ’n aansienlik groter aantal mans hulself in bestuursposisies.
Dít volgens ’n verslag deur die Staatsdienskommissie (PSC) vir die 2021-’22-boekjaar, wat bevind het dat meer mans as vroue in die bestuurskader by kantore, ministeries en agentskappe en op streekrade gedien het, met vroue wat slegs 46% van hierdie poste beklee.
Die totale aantal vroue in diens van die regering – die Namibiese polisie (Nampol), die Namibiese weermag (NDF) en die Namibië Korrektiewe Diens (NCS) uitgesluit – staan tans op 45 017, vergeleke met slegs 26 288 mans.
Rakende die sekuriteitsdiens – behalwe vir die Sentrale Intelligensiediens van Namibië (NCIS) – was 18 673 individue in diens van die NDF, 15 056 in diens van Nampol en 2 619 in diens van die NCS.
“Tans is 63% van personeellede in kantore, ministeries en agentskappe en streekrade – uitgesluit militêre, uniforms en politieke ampsdraers – vroue, terwyl 37% mans is. Aan die ander kant, in beide kantore, ministeries en agentskappe en streekrade, vul mans 54% van die bestuursposte terwyl vroue 46% hou.”
Die verslag het bygevoeg die aantal personeellede van spesiale groepe soos persone met gestremdhede en gemarginaliseerde gemeenskappe is laag in die staatsdiens.
Meer vroue beklee poste binne streekrade in vergelyking met mans.
“Die totale aantal poste wat in die streekrade gevul is, het op 1 304 gestaan, met mans wat 608 poste beklee het, terwyl vroue 696 beklee het,” lui die verslag.
MINISTERIES
Daar is bevind dat die ministerie van onderwys, kuns en kultuur die hoogste aantal individue binne die regering in diens het, met 43 517 van die goedgekeurde poste wat gevul is.
Dit terwyl die ministerie van werke en vervoer die tweede hoogste getal aangemeld het, met 2 835 poste wat gevul is, en die ministerie van finansies wat 2 390 individue in diens het.
Daarteenoor het die Teenkorrupsiekommissie van Namibië (ACC) die laagste aantal poste (106) wat gevul is, gevolg deur die ministerie van verdediging en veteranesake (149) en die Nasionale Beplanningskommissie (152).
Die ministeries van veiligheid en sekuriteit en binnelandse sake – destyds aparte entiteite – het nie indiensnemingstatistieke aan die PSC verskaf nie. So ook nie die ministerie van landbou, water en grondhervorming en die verdedigingsministerie, die Nasionale Vergadering, die Nasionale Raad of die streekrade van Kunene en Zambezi nie.
WERKSKEPPING
Verskeie kantore, ministeries en agentskappe het die skepping van 156 poste op ’n voltydse basis en 4 773 tydelike poste versoek.
Die meerderheid van die versoeke vir tydelike poste is deur die ministerie van gesondheid en maatskaplike dienste gerig (2 605), gevolg deur die landbouministerie (1 926).
Die versoeke om tydelike poste te vul het die regering met ’n teoretiese finansiële impak van N$1 miljard gelaat, luidens die verslag.
Oor die verslagtydperk is 23 aanstellings by kantore, ministeries en agentskappe gemaak, 278 bevorderings is aangeteken, 424 werknemers is oorgeplaas, 244 personeellede het vroeë aftrede gekies en 86 personeellede is weens swak gesondheid ontslaan.
GEEN BELANGSTELLING
Intussen het die PSC bevind dat staatswerkers min belangstelling getoon het om hul sakebelange buite die staatsdiens te verklaar.
“Staatsamptenare se verklaring van private belange is ’n uitdaging. Die afgelope twee of drie jaar het personeellede geen belangstelling getoon om die verklaringsvorms sowel as aansoeke vir deelname aan private sake en/of lonende werk buite diens in die staatsdiens te voltooi nie,” lui die verslag.
In sekere gevalle het die regering ook versuim om poste in kritieke, skaars velde te vul omdat hy nie Namibiërs in daardie poste kon behou nie.
“Die vergoedingspakkette vir sommige skaars velde is nie aantreklik genoeg om voorsiening te maak en die Namibiërs in daardie poste te behou nie,” lui die verslag.
Dit het verder bygevoeg dat die hantering van wangedragsake by die PSC te lank neem, “wat soms daartoe lei dat personeellede uit die staatsdiens tree voordat ’n finale aanbeveling ontvang word”.
– [email protected]
Dít volgens ’n verslag deur die Staatsdienskommissie (PSC) vir die 2021-’22-boekjaar, wat bevind het dat meer mans as vroue in die bestuurskader by kantore, ministeries en agentskappe en op streekrade gedien het, met vroue wat slegs 46% van hierdie poste beklee.
Die totale aantal vroue in diens van die regering – die Namibiese polisie (Nampol), die Namibiese weermag (NDF) en die Namibië Korrektiewe Diens (NCS) uitgesluit – staan tans op 45 017, vergeleke met slegs 26 288 mans.
Rakende die sekuriteitsdiens – behalwe vir die Sentrale Intelligensiediens van Namibië (NCIS) – was 18 673 individue in diens van die NDF, 15 056 in diens van Nampol en 2 619 in diens van die NCS.
“Tans is 63% van personeellede in kantore, ministeries en agentskappe en streekrade – uitgesluit militêre, uniforms en politieke ampsdraers – vroue, terwyl 37% mans is. Aan die ander kant, in beide kantore, ministeries en agentskappe en streekrade, vul mans 54% van die bestuursposte terwyl vroue 46% hou.”
Die verslag het bygevoeg die aantal personeellede van spesiale groepe soos persone met gestremdhede en gemarginaliseerde gemeenskappe is laag in die staatsdiens.
Meer vroue beklee poste binne streekrade in vergelyking met mans.
“Die totale aantal poste wat in die streekrade gevul is, het op 1 304 gestaan, met mans wat 608 poste beklee het, terwyl vroue 696 beklee het,” lui die verslag.
MINISTERIES
Daar is bevind dat die ministerie van onderwys, kuns en kultuur die hoogste aantal individue binne die regering in diens het, met 43 517 van die goedgekeurde poste wat gevul is.
Dit terwyl die ministerie van werke en vervoer die tweede hoogste getal aangemeld het, met 2 835 poste wat gevul is, en die ministerie van finansies wat 2 390 individue in diens het.
Daarteenoor het die Teenkorrupsiekommissie van Namibië (ACC) die laagste aantal poste (106) wat gevul is, gevolg deur die ministerie van verdediging en veteranesake (149) en die Nasionale Beplanningskommissie (152).
Die ministeries van veiligheid en sekuriteit en binnelandse sake – destyds aparte entiteite – het nie indiensnemingstatistieke aan die PSC verskaf nie. So ook nie die ministerie van landbou, water en grondhervorming en die verdedigingsministerie, die Nasionale Vergadering, die Nasionale Raad of die streekrade van Kunene en Zambezi nie.
WERKSKEPPING
Verskeie kantore, ministeries en agentskappe het die skepping van 156 poste op ’n voltydse basis en 4 773 tydelike poste versoek.
Die meerderheid van die versoeke vir tydelike poste is deur die ministerie van gesondheid en maatskaplike dienste gerig (2 605), gevolg deur die landbouministerie (1 926).
Die versoeke om tydelike poste te vul het die regering met ’n teoretiese finansiële impak van N$1 miljard gelaat, luidens die verslag.
Oor die verslagtydperk is 23 aanstellings by kantore, ministeries en agentskappe gemaak, 278 bevorderings is aangeteken, 424 werknemers is oorgeplaas, 244 personeellede het vroeë aftrede gekies en 86 personeellede is weens swak gesondheid ontslaan.
GEEN BELANGSTELLING
Intussen het die PSC bevind dat staatswerkers min belangstelling getoon het om hul sakebelange buite die staatsdiens te verklaar.
“Staatsamptenare se verklaring van private belange is ’n uitdaging. Die afgelope twee of drie jaar het personeellede geen belangstelling getoon om die verklaringsvorms sowel as aansoeke vir deelname aan private sake en/of lonende werk buite diens in die staatsdiens te voltooi nie,” lui die verslag.
In sekere gevalle het die regering ook versuim om poste in kritieke, skaars velde te vul omdat hy nie Namibiërs in daardie poste kon behou nie.
“Die vergoedingspakkette vir sommige skaars velde is nie aantreklik genoeg om voorsiening te maak en die Namibiërs in daardie poste te behou nie,” lui die verslag.
Dit het verder bygevoeg dat die hantering van wangedragsake by die PSC te lank neem, “wat soms daartoe lei dat personeellede uit die staatsdiens tree voordat ’n finale aanbeveling ontvang word”.
– [email protected]
Kommentaar
Republikein
Geen kommentaar is op hierdie artikel gelaat nie