Verenig as een

Yolanda Nel – "&#039;n Verenigde nasie wat na ’n doelwit in die algemene belang van die land inwoners streef, sal altyd as oorwinnaars uit die stryd tree.”So sê Namibië se stigterspresident, Sam Nujoma, op die vooraand van die land se 33ste onafhanklikheidsherdenking wat môre gevier word. “Die veerkragtigheid, dapperheid en eenheid van Namibiërs was die eienskappe wat nodig was vir ons land om die uitdagings van die relatief vroeë jare van nasieskap te oorkom,” sê Nujoma. Die voormalige staatshoof, wat Visie 2030 in 2004 van stapel gestuur het, glo dit is steeds haalbaar in die oorblywende sewe jaar. “Die visie is geskep om ons te lei om doelbewuste pogings aan te wend om die lewensgehalte van ons mense tot op die vlak van hulle eweknieë in die ontwikkelde wêreld teen die jaar 2030 te verbeter.”Visie 2030 is gebaseer op die ontleding en oorsig van Namibië se vorige en huidige ervaring in ontwikkeling en met betrekking tot die land se natuurlike- en finansiële hulpbronne in ’n kulturele, streeks- en internasionale konteks. “Dié visie is steeds geldig en binne bereik in die oorblywende sewe jaar, omdat die vooruitgang en die resultate wat ons behaal het, gegrond is in ons beplannings- en implementeringspogings soos vervat in opeenvolgende nasionale ontwikkelingsplanne."Sedert 2016 was die eerste en tweede Harambee-welvaartsplan die produkte van intensiewe landwye konsultasies met uiteenlopende kiesafdelings. Dit word gelei deur die voorstelle van die hoëvlak-paneel vir die Namibiese ekonomie; die Afrika Unie (AU) se Agenda 2063; die Verenigde Nasies (VN) se volhoubare ontwikkelingsdoelwitte en - die belangrikste - insette deur inwoners regoor die land.”Op die vraag of hy trots is op die land wat hy help skep het, sê Nujoma ten spyte van reusetreë wat gegee is en onmiskenbare vooruitgang wat gemaak is, is daar steeds die uitdagings van armoede, werkloosheid en ongelykheid. “Sedert die koms van ons vryheid het ons onmiskenbare vooruitgang gemaak om in die basiese behoeftes van ons mense te voorsien.”Volgens die stigterspresident sien Namibië vooruitgang met betrekking tot beleggings.“Ek vertrou dat ons as ’n land hiermee op koers sal bly en sal onthou hoe noodsaaklik dit is om alle Namibiërs te verenig en as ’n sterk mag na vore te tree.” – republikein@republikein.com.na

Verenig as een

Kommentaar

Republikein 2025-05-01

Meld asseblief aan om kommentaar te lewer

Verenig as een

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie