Te min geld vir bate-inspeksies

Die kantoor van die ouditeur-generaal het weens beperkte fondse en vertragings in die ouditproses net 21 van 53 beplande bate-inspeksie-oudits in die 2025-’26-boekjaar voltooi. Die jongste verslag oor regeringsverantwoordbaarheid toon voltooide inspeksies het gedaal van 55 in 2023-’24 tot 49 in 2024-’25 en 21 in 2025-’26.Die kantoor het 85,9% van sy inspeksieteiken in 2023-’24 en 81,7% die volgende jaar voltooi, voordat dit tot 39,6% in die jongste verslagtydperk gedaal het.Die blaam vir teikens wat in beide voorafgaande jare gemis is, is voor die deur van onvoldoende befondsing geplaas. Vir die 2023-’24-boekjaar is 55 inspeksies uit 64 voltooi en vir die 2024-’25-boekjaar net 49 uit die beoogde 60. Ook toe was die rede soos in die geval van die jongste verslag onvoldoende fondse en vertragings in die ouditproses. Volgens die jongste verslag kon die ouditeur-generaal se kantoor vir die 2025-’26-boekjaar 78 ouditverslae finaliseer wat agterstallig was. Die verslae dek munisipaliteite, streek-, dorp- en nedersettingsrade, sowel as staatsondernemings. Dit kon egter nie sy teiken bereik om die jongste finansiële state van 104 entiteite te oudit nie. Volgens die verslag was die meeste ouditverslae reeds agterstallig, omdat die jongste finansiële state van die verwante instellings nie binne die wetlike tydsraamwerk ingedien is nie. State wat laat of onvolledig ingedien is, tesame met beperkte fondse, het volgens die verslag gevolglik verhoed dat beplande oudits begin of voltooi is. Volgens die verantwoordbaarheidsverslag is ook net vier van die tien beplande ouditverslae vir prestasie en nakoming voltooi wat betrekking het op personeelomset, vertragings in werwingDie kantoor het ook vier van tien beplande prestasie- en nakomingsouditverslae voltooi. Die redes hiervoor was omset van personeel, vertraging in werwing en inligting wat ontbreek of laat ingedien is. Personeelsyfers toon 238 poste is befonds teenoor ’n goedgekeurde diensstaat van 298, wat ’n gaping van 60 poste laat.Die kantoor van die ouditeur-generaal het wel al 35 ouditverslae van die sentrale regering se kantoor van die ministeriële rekeningkundige afdeling vir die 2024-’25-boekjaar binne die statutêre sperdatum gedurende die 2025-’26-boekjaar voltooi. Die gekonsolideerde ouditverslae vir die regering is egter nie binne die statutêre sperdatum voltooi nie. – phillipus@nmh-hub.com.na

Te min geld vir bate-inspeksies

Kommentaar

Republikein 2026-10-29

Meld asseblief aan om kommentaar te lewer

Te min geld vir bate-inspeksies

Kommentaar

Republikein 2026-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.