'Swapo verdedig Gasa, nie volksmoord op eie bodem'

Die Speaker, Saara Kuugongelwa-Amadhila, word deur die Landless People’s Movement (LPM) daarvan beskuldig dat sy na bewering die Federale Republiek van Duitsland ondersteun in 'n regsgeding voor die hoërhof, teenstrydig met amptelike onderhandelinge vir vergoeding vir koloniale gruweldade.Op die geskiedkundige datum van 2 Oktober het die LPM verlede week ’n klagskrif teen die Speaker by die Nasionale Vergadering (NV) ingedien. Vir die eerste keer sedert Namibië se onafhanklikwording het ’n party wat in die NV verteenwoordig is, ’n klagskrif teen die politieke hoof van die betrokke parlement ingedien.Op 2 Oktober, 121 jaar gelede, het generaal Lothar von Trotha sy bevel uitgereik om die Herero-volk uit te wis. In April 1905 het ’n bevel teen die Nama-volk gevolg. Die klagskrif is deur die LPM se leier, Bernadus Swartbooi, en Herero- en Namaleiers ingedien in die aanloop tot gister se verhoor in die hoërhof teen Namibië se hele regering, insluitend die Speaker (voorheen prof. Peter Katjavivi, nou Kuugongelwa-Amadhila) en die Duitse regering.EISEDie eisers dring daarop aan dat die konsep van ’n sogenaamde gesamentlike verklaring tussen Windhoek en Berlyn herroep word, omdat dit deur die “meeste Nama en Herero” verwerp word. Daarin word die Speaker versoek om haarself te distansieer van die beëdigde verklarings van die medebeskuldigdes dat ’n Namibiese hof na bewering geen gesag het om Duitsland hier in die land te dagvaar en te dwing om te getuig nie.“Hulle (en die Namibiese regering) betaal ’n prokureur met belastingbetalers se geld om hierdie argument in die hof aan te bied en sodoende Duitsland te verdedig,” het die LPM gekritiseer. Die NV het hierdie regsuitgawe nie goedgekeur nie en die klagskrif is na ’n parlementêre komitee verwys. Volgens die LPM skend die “gesamentlike konsepverklaring” hoofman Kuiama Riruako se eenparig goedgekeurde mosie van 2006 dat Berlyn die volksmoord moet erken, vergoeding moet betaal en oor die saak moet onderhandel. Namibië se regering is slegs as ’n “belanghebbende party” in die mosie genoem. 'MEDEPLIGTIG MET DUITSLAND 'Gisteroggend, kort voor die hofverhoor, het die LPM ’n mediaverklaring uitgereik waarin Namibië se regering beskuldig word van beweerde “medepligtigheid met Duitsland” – op grond van nie-jurisdiksie – wat die strewe na geregtigheid vir die Herero- en Nama-mense sou ondermyn. “Hierdie paradigma van samewerking met Duitsland dateer terug na 1989 toe Swapo ingestem het om stil te bly oor geregtigheid, in ruil vir die grootste ontwikkelingshulp in Afrika,” het die LPM gesê. “Verder het die regering afgewyk van die parlementêre resolusie van 2006 oor vergoeding vir slagoffers van die volksmoord deur bilaterale onderhandelinge met Duitsland te voer sonder die ingeligte toestemming van die betrokke gemeenskappe. “Namibië se regering het Israel se beweerde volksmoord in die Gasastrook veroordeel, maar verdedig nou die pleger van volksmoord op eie bodem. Dit is neokoloniale poppespel,” het die LPM gesê.– republikein@republikein.com.na

'Swapo verdedig Gasa, nie volksmoord op eie bodem'

Kommentaar

Republikein 2026-03-26

Meld asseblief aan om kommentaar te lewer

'Swapo verdedig Gasa, nie volksmoord op eie bodem'

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.