Skenkings gesoek vir Nujoma-museum

Namibië se aangewese president Netumbo Nandi-Ndaitwah het ’n beroep op Namibiërs gedoen om persoonlike aandenkings van die ontslape stigterspresident Sam Nujoma te skenk vir ’n museum wat by Swapo se hoofkantoor ingerig gaan word. ’n Standbeeld van Nujoma is Donderdag amptelik by die party se hoofkantoor onthul. Die hoofkantoor sal voortaan as Sam Nujoma Square bekend staan. Die museum sal onder meer dagboeke, boeke en ander kunswerke huisves wat met Nujoma se lewe en nalatenskap verband hou. FOTO’S ELIZABETH KHEIBES