Sankwasa, Nekundi, Ngurare neem voortou
Met 100 dae wat verloop het sedert die nuwe regering die leisels oorgeneem het, word die ministers van stedelike en landelike ontwikkeling,
Sankwasa James Sankwasa, en werke en vervoer, Veikko Nekundi, sowel as die eerste minister, Elijah Ngurare, beskou as die kabinetsministers wat skouer aan die wiel sit, terwyl hul eweknieë in hul stof byt.
Dit volgens politieke kommentators en politici wat gereageer het op Network Media Hub (NMH) se vraag oor hul mening oor president Netumbo Nandi-Ndaitwah se kabinet wat in Maart aan bewind gekom het.
Tydens haar eerste kabinetsitting het Nandi-Ndaitwah die belangrikheid van prestasie en verantwoordbaarheid onder staatsamptenare beklemtoon.
“Jul prestasies sal gereeld geëvalueer word wat binne die volgende drie maande begin en gebaseer op die sleutelprestasie-aanwysers in jul terme van verwysing,” het die president toe gesê.
Sy het ook opdrag gegee dat sleutel- wetlike hervormings soos vervat in Swapo se verkiesingsmanifes teen Mei geïmplementeer word om doeltreffende dienslewering te verseker.
STRYD TEEN KORRUPSIE
Sankwasa word geloof vir sy stryd teen korrupsie in plaaslike owerhede en streekrade. Sy eerste impak was toe hy onthul het hoe die Katima Mulilo-dorpsraad groot stukke grond vir voertuie en skootrekenaars verruil het.
Sankwasa het ook die Kunene-streekraad berispe toe amptenare en politici verblyf- en reistoelae betaal is vir reise wat hulle nooit onderneem het nie.
Hy het onlangs ook met die Omuthiya-dorpsraad afgereken wat toegelaat het dat sy voormalige burgemeester, Johannes Ndeutepo, sy pos beklee terwyl hy voltyds in Windhoek werksaam was. Ndeutepo is ook opdrag gegee om die geld wat hy gedurende sy ampstermyn ontvang het, terug te betaal.
TAKEL VERVOERKWESSIES
Wat Nekundi betref, het hy sy bewind begin deur vervoer- en verkeerswette te takel wat as diskriminerend teenoor padgebruikers beskou is, insluitend sewesitplekoperateurs wat permitte geweier is.
Hy het ook ’n kontrakteur in Kavango-Wes aangespreek wat nie die nuwe minimum loon aan sekuriteitswagte betaal het nie.
Die Swapo-strydos en voormalige premier, Nahas Angula, het erken dat hy die meeste van die ministers nie ken nie, maar het na Sankwasa verwys en gesê sou hy die tempo volhou, hy moontlik verandering teweeg kan bring.
“Ek weet ook die eerste minister het sy bes gedoen om openbare geleenthede by te woon en te help waar hy kan. Maar die meerderheid van hulle ken ek nie,” het Angula gesê.
Sy raad aan Nekundi was om “af te koel”.
“My raad is dat hy eers die wette moet lees en om as ’n minister en nie as ’n aktivis op te tree nie. Hy is nou ’n minister, nie ’n aktivis nie.
“Ek weet nie of hierdie ministers enige oriëntasie gehad het om hulle te help met die oorgang van aktivisme na regering as deel van ’n kabinet wat deur gesamentlike besluitneming gelei word nie.
“Jy hoor sommige van hulle in die parlement wat dit en dat veroordeel en dan vra jy jouself: het die kabinet dit bespreek of is dit net ’n persoonlike opinie? Wanneer jy in die kabinet is, praat jy nie meer vir jouself nie.
“Jy dra die gesamentlike stem van die kabinet. Moenie net parlement toe gaan en verklarings maak soos ‘wel, die Rooilyn, ons kan nie droë vleis van die Noorde bring nie’.
“Hoekom nie eers na die kabinet gaan, ’n ordentlike beleid voorstel en dan dat die beleid vir homself praat nie?” het Angula gesê.
‘NOG NIE BEïNDRUK NIE’
Die politieke ontleder Ndumba Kamwanyah sê op sy beurt nie een van die nuwe ministers het hom tot dusver beïndruk nie.
“Hul prestasie in die eerste 100 dae was meestal simbolies, gevul met retoriek eerder as inhoud. Daar is geen duidelike beleidsrigting nie en hul bydraes was meestal beperk tot die beantwoording van vrae in die parlement, dikwels sonder enige bewyse om hul antwoorde te staaf.
“Nie een van die ministers het vir my uitgestaan nie. Ek het nog niks nuuts of ongewoon gesien nie. Ek is bekommerd oor ’n gebrek aan ’n bewysgebaseerde benadering tot die kwessie, maar ook dat prosedures nie gevolg word nie.
“Baie mense mag moontlik met Sankwasa en Nekundi se hantering beïndruk wees, maar dit moet deur ’n proses en nie op die minister se instink gedoen word nie.
“Ek waardeer dat hulle probeer om die kultuur van korrupsie en selfvoldaanheid in die ministeries en regeringstelsel uit te roei, maar ’n behoorlike proses moet gevolg word,” het Kamwanyah gesê.
Sy raad aan die nuwe ministers is om verby simboliek te beweeg en om duidelike, uitvoerbare beleide te begin uitlig. Hul verklarings moet ook deur bewyse ondersteun word en op werklike uitkomste fokus, eerder as om net in die parlement op vrae te reageer.
Volgens die dosent verbonde aan die Universiteit van Namibië (Unam) en maatskaplike aktivis, Sinvula Mudabeti, is die bogenoemde trio die kabinetsministers wat die meeste doen.
Mudabeti sê Sankwasa is een van die kabinetsministers wat op die mense se pleidooie reageer en behoort hiervoor geprys te word.
Die wetmaker in die Nasionale Raad, Paulus Mbangu, het na die minister van gesondheid en maatskaplike dienste, dr. Esperance Luvindao, verwys en gesê sy doen goeie werk.
“Ek weet egter nie wat haar eintlike plan is nie. Dit lyk asof sy deur die uitdagings in die ministerie oorweldig word. Korrupsie is diepgewortel in daardie ministerie, sy sukkel om dit reg te kry,” het hy gesê.
Luvindao het lof verdien vir haar standpunt teen korrupsie binne haar ministerie, insluitend die onlangse aanmelding van verskeie voorvalle aan die Teenkorrupsiekommissie van Namibië (ACC).
– [email protected]
Sankwasa James Sankwasa, en werke en vervoer, Veikko Nekundi, sowel as die eerste minister, Elijah Ngurare, beskou as die kabinetsministers wat skouer aan die wiel sit, terwyl hul eweknieë in hul stof byt.
Dit volgens politieke kommentators en politici wat gereageer het op Network Media Hub (NMH) se vraag oor hul mening oor president Netumbo Nandi-Ndaitwah se kabinet wat in Maart aan bewind gekom het.
Tydens haar eerste kabinetsitting het Nandi-Ndaitwah die belangrikheid van prestasie en verantwoordbaarheid onder staatsamptenare beklemtoon.
“Jul prestasies sal gereeld geëvalueer word wat binne die volgende drie maande begin en gebaseer op die sleutelprestasie-aanwysers in jul terme van verwysing,” het die president toe gesê.
Sy het ook opdrag gegee dat sleutel- wetlike hervormings soos vervat in Swapo se verkiesingsmanifes teen Mei geïmplementeer word om doeltreffende dienslewering te verseker.
STRYD TEEN KORRUPSIE
Sankwasa word geloof vir sy stryd teen korrupsie in plaaslike owerhede en streekrade. Sy eerste impak was toe hy onthul het hoe die Katima Mulilo-dorpsraad groot stukke grond vir voertuie en skootrekenaars verruil het.
Sankwasa het ook die Kunene-streekraad berispe toe amptenare en politici verblyf- en reistoelae betaal is vir reise wat hulle nooit onderneem het nie.
Hy het onlangs ook met die Omuthiya-dorpsraad afgereken wat toegelaat het dat sy voormalige burgemeester, Johannes Ndeutepo, sy pos beklee terwyl hy voltyds in Windhoek werksaam was. Ndeutepo is ook opdrag gegee om die geld wat hy gedurende sy ampstermyn ontvang het, terug te betaal.
TAKEL VERVOERKWESSIES
Wat Nekundi betref, het hy sy bewind begin deur vervoer- en verkeerswette te takel wat as diskriminerend teenoor padgebruikers beskou is, insluitend sewesitplekoperateurs wat permitte geweier is.
Hy het ook ’n kontrakteur in Kavango-Wes aangespreek wat nie die nuwe minimum loon aan sekuriteitswagte betaal het nie.
Die Swapo-strydos en voormalige premier, Nahas Angula, het erken dat hy die meeste van die ministers nie ken nie, maar het na Sankwasa verwys en gesê sou hy die tempo volhou, hy moontlik verandering teweeg kan bring.
“Ek weet ook die eerste minister het sy bes gedoen om openbare geleenthede by te woon en te help waar hy kan. Maar die meerderheid van hulle ken ek nie,” het Angula gesê.
Sy raad aan Nekundi was om “af te koel”.
“My raad is dat hy eers die wette moet lees en om as ’n minister en nie as ’n aktivis op te tree nie. Hy is nou ’n minister, nie ’n aktivis nie.
“Ek weet nie of hierdie ministers enige oriëntasie gehad het om hulle te help met die oorgang van aktivisme na regering as deel van ’n kabinet wat deur gesamentlike besluitneming gelei word nie.
“Jy hoor sommige van hulle in die parlement wat dit en dat veroordeel en dan vra jy jouself: het die kabinet dit bespreek of is dit net ’n persoonlike opinie? Wanneer jy in die kabinet is, praat jy nie meer vir jouself nie.
“Jy dra die gesamentlike stem van die kabinet. Moenie net parlement toe gaan en verklarings maak soos ‘wel, die Rooilyn, ons kan nie droë vleis van die Noorde bring nie’.
“Hoekom nie eers na die kabinet gaan, ’n ordentlike beleid voorstel en dan dat die beleid vir homself praat nie?” het Angula gesê.
‘NOG NIE BEïNDRUK NIE’
Die politieke ontleder Ndumba Kamwanyah sê op sy beurt nie een van die nuwe ministers het hom tot dusver beïndruk nie.
“Hul prestasie in die eerste 100 dae was meestal simbolies, gevul met retoriek eerder as inhoud. Daar is geen duidelike beleidsrigting nie en hul bydraes was meestal beperk tot die beantwoording van vrae in die parlement, dikwels sonder enige bewyse om hul antwoorde te staaf.
“Nie een van die ministers het vir my uitgestaan nie. Ek het nog niks nuuts of ongewoon gesien nie. Ek is bekommerd oor ’n gebrek aan ’n bewysgebaseerde benadering tot die kwessie, maar ook dat prosedures nie gevolg word nie.
“Baie mense mag moontlik met Sankwasa en Nekundi se hantering beïndruk wees, maar dit moet deur ’n proses en nie op die minister se instink gedoen word nie.
“Ek waardeer dat hulle probeer om die kultuur van korrupsie en selfvoldaanheid in die ministeries en regeringstelsel uit te roei, maar ’n behoorlike proses moet gevolg word,” het Kamwanyah gesê.
Sy raad aan die nuwe ministers is om verby simboliek te beweeg en om duidelike, uitvoerbare beleide te begin uitlig. Hul verklarings moet ook deur bewyse ondersteun word en op werklike uitkomste fokus, eerder as om net in die parlement op vrae te reageer.
Volgens die dosent verbonde aan die Universiteit van Namibië (Unam) en maatskaplike aktivis, Sinvula Mudabeti, is die bogenoemde trio die kabinetsministers wat die meeste doen.
Mudabeti sê Sankwasa is een van die kabinetsministers wat op die mense se pleidooie reageer en behoort hiervoor geprys te word.
Die wetmaker in die Nasionale Raad, Paulus Mbangu, het na die minister van gesondheid en maatskaplike dienste, dr. Esperance Luvindao, verwys en gesê sy doen goeie werk.
“Ek weet egter nie wat haar eintlike plan is nie. Dit lyk asof sy deur die uitdagings in die ministerie oorweldig word. Korrupsie is diepgewortel in daardie ministerie, sy sukkel om dit reg te kry,” het hy gesê.
Luvindao het lof verdien vir haar standpunt teen korrupsie binne haar ministerie, insluitend die onlangse aanmelding van verskeie voorvalle aan die Teenkorrupsiekommissie van Namibië (ACC).
– [email protected]
Kommentaar
Republikein
Geen kommentaar is op hierdie artikel gelaat nie