Nida skarrel wéér rond vir geld

Lede van die agentskap vir nywerheidsontwikkeling in Namibië (Nida) se mediese fonds by Namibia Health Plan (NHP) sit vir die derde keer binne ’n jaar sonder voordele gestrand nadat dié onderneming in staatsbesit (SOE) opnuut nie bydraes kon oorbetaal nie.Nida skuld NHP ’n maand se bydraes van sowat N$700 000 wat vóór 7 September vereffen moes word, het mnr. Wessel !Nanuseb, die SOE se senior bestuurder van korporatiewe dienste en menslike hulpbronne, aan Republikein bevestig.Volgens !Nanuseb is die NHP-voordele van 65 aktiewe lede en 63 pensioenarisse opgeskort. Nida het ook 128 lede wat aan Namibia Medical Care (NMC) se mediese fonds behoort. NMC dek steeds dié lede, ondanks die feit dat Nida ook by dié fonds in die rooi is, het hy gesê.Nida is tans besig met pogings om die situasie by NHP reg te stel, aldus !Nanuseb.‘NIE TROTS’“Onder normale omstandighede is Nida nie trots daarop om nie sy verpligtinge na te kom nie,” het hy gesê. Die kommersiële SOE gee om vir sy werknemers en is ’n verantwoordelike korporatiewe burger, volgens !Nanuseb.“Die voordele van werknemers word as ’n prioriteitsverpligting beskou en sal as sodanig nagekom word,” het hy gesê.Nida staar tans oorgangsuitdagings in die gesig wat deur herhalende kontantuitdagings vererger word, sê hy.Die SOE begroot jaarliks vir sy uitgawes, maar ondervind kontantvloei-uitdagings en kon nie al sy verpligtinge betyds nakom nie, volgens !Nanuseb.Die uitvoerende hoof van Nida, mnr. Mihe Gaomab, het aan Republikein gesê die SOE se finansiële hoof, mnr. Jeremiah Ntinda, is besig om die SOE se “benarde kontantvloeisituasie te beredder”. ‘GROOT LAS’Nida is in 2018 gestig en inkorporeer die voormalige Namibia Development Corporation (NDC) en Offshore Development Corporation (ODC). Dit ressorteer onder die ministerie van nywerheid en handel.!Nanuseb sê Nida het ’n “groot finansiële las” geërf, aangesien Nida ook vir die mediesefondsvoordele van afgetrede werknemers van die voormalige NDC en ODC verantwoordelik is.Gaomab het in Februarie vanjaar aan New Era gesê Nida het ’n batebasis van meer as N$1 miljard geërf, maar het uitstaande finansiële en statutêre verpligtings. Volgens hom beoog Nida om dié batebasis as steunpilaar te gebruik om finansiering te bekom om sy mandaat uit te voer.Nida-werknemers en -pensioenarisse se mediesefondsvoordele is verlede September en in Julie vanjaar ook weens wanbetaling opgeskort.

Nida skarrel wéér rond vir geld

Kommentaar

Republikein 2026-09-18

Meld asseblief aan om kommentaar te lewer

Nida skarrel wéér rond vir geld

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.