Nandi-Ndaitwah vra vir hernude vertroue in VN

President Netumbo Nandi-Ndaitwah het ’n beroep op lidlande van die Verenigde Nasies (VN) gedoen om die publiek se vertroue in die organisasie te herstel. Volgens die president het konflikte wêreldwyd menigte mense laat twyfel of die VN sy mandaat nakom om vrede te handhaaf. Nandi-Ndaitwah het Maandag met haar terugkeer van die VN se algemene vergadering in New York gesê lande moet beide individueel en gesamentlik optree om dié kommer te takel. “Daar is baie onstabiliteit in verskeie dele van die wêreld en daarom is daar ’n gevoel onder burgers dat die VN nie werklik sy mandaat nakom nie,” het sy gesê.Volgens die president het die algemene vergadering op ontwikkeling gefokus, insluitend pogings ingevolge die pakt vir die toekoms om vordering met volhoubare ontwikkelingsdoelwitte te versnel. Aan die kantlyn van die byeenkoms het Nandi-Ndaitwah Namibië se olie- en gas-, groenwaterstof-, hernubare energie-, kritieke minerale -en vervaardigingsektore aan internasionale beleggers bevorder.Tydens ’n presidensiële gesprek tussen die Verenigde State van Amerika (VSA) en Namibië het sy beleggers aangespoor om plaaslike verwerking en vervaardiging te ondersteun. Dit is daarop gemik om te verseker dat Namibië groter voordeel uit sy natuurlike hulpbronne trek, eerder as om dit hoofsaaklik in onverwerkte vorm uit te voer. Sy het ook die beleggingsveldtog gekoppel aan die opleiding van jong Namibiërs vir poste in ontluikende nywerhede.Die president het ook op watersekerheid in Namibië gefokus en het tydens besprekings oor die finansiering van waterinfrastruktuur in Afrika, die land se planne ingevolge die sesde nasionale ontwikkelingsplan vir ontsouting en suiwering gedeel. Nandi-Ndaitwah het egter geen besonderhede oor enige beleggingsooreenkomste of tydlyne vir moontlike projekte bekend gemaak nie. – tuyeimo@nmh-hub.com.na

Nandi-Ndaitwah vra vir hernude vertroue in VN

Kommentaar

Republikein 2026-10-01

Meld asseblief aan om kommentaar te lewer

Nandi-Ndaitwah vra vir hernude vertroue in VN

Kommentaar

Republikein 2026-10-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.