Min geld vir sensus

Ogone Tlhage – Die statistikus-generaal, Alex Shimuafeni, sê hoewel die Namibië Statistiekagentskap (NSA) graag meer geld sou wou hê om die nasionale sensus uit te voer, sal hy alles in sy vermoë doen om te verseker dat die hulpbronne wat hy tot sy beskikking het, ’n goeie uitkoms verseker.Hy het gereageer op vrae oor of hy glo die fondse is voldoende wat aan die NSA toegeken is.Tydens die begrotingsrede het die minister van finansies, Iipumbu Shiimi, aangekondig dat die agentskap N$706 miljoen sal ontvang om die sensus uit te voer. Die NSA kon dit nie in 2020 doen nie weens die Covid-19-pandemie en weer in 2021 en 2022 weens begrotingsbeperkings.INFLASIE BEïNVLOED BEGROTINGShimuafeni het gesê die beplanning vir die sensus is lank gelede gedoen en inflasie het die koste van die verkryging van goedere en dienste wat nodig is vir die proses, effens laat toeneem.“Dinge het verander, pryse het gestyg, maar. . . die fondse wat ons het, sal [ons] ten volle benut, om te verseker dat die sensus plaasvind,” het hy gesê.“Ons sou graag ’n groter begroting wou hê om meer sensusopnemers aan te stel en om te verseker dat jy al die huishoudings in Namibië in ’n kort tyd kan bereik, asook om ruimte te skep as mense nie by die huis is nie [op die dag van die sensus]," het hy gesê. Die regering het laas ’n nasionale sensus in 2010 uitgevoer onder die vaandel van die Nasionale Beplanningskommissie (NPC) voor die NSA gestig is. Shimuafeni het gesê 13 000 individue sal op ’n deeltydse basis in diens geneem word, terwyl ongeveer 2 900 voertuie benodig sal word.Obeth Kandjoze, direkteur-generaal van die NPC, sal mettertyd die amptelike datum van die sensus aankondig. – republikein@republikein.com.na

Min geld vir sensus

Kommentaar

Republikein 2026-06-19

Meld asseblief aan om kommentaar te lewer

Min geld vir sensus

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.