Mbumba geen 'spesiale geval'

"Ek het geen antwoord vir jou nie."Dit was gister die antwoord van visepresident Nangolo Mbumba toe Namibian Sun hom vir kommentaar oor die omstrede opknappings van &#039;n half miljoen dollar op sy plaas genader het.“Ek het geen antwoord vir jou nie," het Mbumba gesê. "Dit word nie gedoen deur my of vir my nie. Vra die ministerie van werke."Dit is my plaas, maar ek is nie die een wat dit doen nie. Dit is nie vir my nie," het hy herhaal.Dinsdag het die Speaker, prof. Peter Katjavivi, in die Nasionale Vergadering (NV) &#039;n stokkie gesteek voor &#039;n poging om opheldering oor die kwessie in die parlement te eis.Me. Elma Dienda van die Popular Democratic Movement (PDM) wou vrae oor die aangeleentheid stel, maar is kortgeknip met die verduideliking dat dit nie "dringend" is nie.Katjavivi kon nie vir kommentaar bereik word om te verduidelik op watter reël van die parlement sy besluit gebaseer was nie.Mnr. Julius Ngweda, woordvoerder van die ministerie van werke en vervoer, het die bouwerk op die visepresident se plaas bevestig. Die werk is volgens hom 90% afgehandel en die koste beloop sowat N$500 000.Bykomende materiaal is volgens Ngweda van wyle dr. Nickey Iyambo se plaas geneem om die werk te voltooi."Die werk wat op die plaas gegee het, was om verblyfgeriewe op te rig vir veiligheidspersoneel vir baie, baie belangrike persone (BBBP&#039;s/VVIP&#039;s) om die visepresident te bewaak, as deel van sy plaasvoordele," het Ngweda verduidelik."Water moet aangelê word, hulle moet kos voorberei so elektrisiteit is geïnstalleer en sanitasie is ingerig. Dit is omtrent 12 kamers."Die woordvoerder het verduidelik dat genoeg blyplek nodig is, omdat die wagte in skofte werk.Ngweda het benadruk dat Mbumba nie &#039;n "spesiale geval" is nie. Alle VVIP&#039;s het volgens hom veiligheidsgeriewe by hul wonings.Opgraderings hiervan is volgens Ngweda ingesluit by voordele waarvoor die staat betaal.Dienda het gister in die NV formeel vrae aan die eerste minister, me. Saara Kuugongelwa-Amadhila, oor die projek ingedien. Antwoorde sal na verwagting op 7 Julie verskaf word.

Mbumba geen 'spesiale geval'

Kommentaar

Republikein 2026-02-03

Meld asseblief aan om kommentaar te lewer

Mbumba geen 'spesiale geval'

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.