'Kiesers sal vir ons nee sê'

Die sekretaris-generaal van Swapo, Sophia Shaningwa, het gewaarsku dat die party die risiko loop om openbare steun te verloor as sy verkose leiers nie hul mandate nakom nie. Sy was aan die woord op Rundu waar Swapo se leierskapsopleiding vir distriksleiers die afgelope drie dae onderweg is. 

Volgens haar sal kiesers vir die party “nee sê" as dienslewering tekort skiet. Shaningwa het plaaslike owerhede en streekleiers aangespoor om hul planne te implementeer en hul verantwoordelikhede ernstig op te neem om te verseker dat Swapo die regerende party bly. Sy het ook 'n beroep op leiers gedoen om 'n oopdeurbeleid te handhaaf en na inwoners se bekommernisse te luister. Shaningwa het ook beklemtoon dat leiers nooit die gemeenskappe moet vergeet wat hulle verkies het nie. - [email protected]