Kabinet gee jawoord vir verklaring

Die kabinet het volgens betroubare bronne opdrag gegee dat 'n gesamentlike verklaring oor vergoeding vir die volksmoord op die Nama’s en Ovaherero’s voor Maart 2025 onderteken moet word.Volgens 'n hooggeplaaste bron binne die onderhandelingspan sal die dokument wat deur Peya Mushelenga, minister van internasionale betrekkinge en samewerking en sy Duitse eweknie Annalena Baerbock onderteken moet word, teen einde vandeesmaand in die Duitse parlement ter tafel gelê word.“Die kabinet het instruksies gegee dat dit onderteken moet word. Dit behoort teen einde Januarie in die Bundestag aangebied te word. Ons parlemente sal ook sit om dit te bekragtig sodat Duitsland om verskoning kan vra en dit kan onderteken,” het die bron gesê.Mushelenga kon nie vir kommentaar bereik word nie. Die verklaring verwys na Lothar von Trotha se uitwissingsbevel as bloot 'n "bevel" en vermy die term "herstel", wat eerder suggereer dat dit 'n versoening is vir die gruweldade van die verlede.Wyle Zed Ngavirue, Namibië se spesiale gesant oor volksmoord, het voorheen aangedui dat hoewel Duitsland die term volksmoord erken, dit hom daarvan weerhou om “herstel” te gebruik weens kommer dat dit tot wetlike gevolge kan lei en die deur oopmaak vir eise van ander Afrikalande.In die jongste konsepverklaring hou Duitsland by sy standpunt en het nie verander aan die aanvanklike aanbod aan Namibië van €1,1 miljard oor 30 jaar nie. Duitsland beloof ook om bykomende finansiering te verskaf vir die opheffing, heropbou, versoening en ontwikkeling van die geraakte gemeenskappe.“Albei regerings deel die begrip dat die bogenoemde bedrag alle finansiële aspekte van die kwessies wat met die verlede verband hou, in hierdie gesamentlike verklaring afhandel. Nieteenstaande dat Duitsland hiermee bevestig dat hy sterk daartoe verbind is om voorsiening te maak om bykomende finansiering te verskaf vir die versoening, heropbou en ontwikkeling van die geraakte gemeenskappe. Dit is gebaseer op die vereistes en behoeftes soos geïdentifiseer deur die Namibiese regering en in oorleg met die geraakte gemeenskappe vir die uitbetaling van die fondse waarna in die gesamentlike verklaring verwys word,” lui die verklaring.Dit bepaal ook dat die bykomende finansiering afsonderlik van die tegniese bystand en ondersteuning onder die raamwerk vir bilaterale ontwikkeling en samewerking beskikbaar gestel sal word. Die bedrag en modaliteite vir bykomende finansiering sal onderling ooreengekom word deur die twee regerings en in oorleg met die geraakte gemeenskappe."Die Namibiese regering en sy mense aanvaar Duitsland se verskoning en glo dat dit die weg baan na 'n blywende wedersydse begrip en konsolidasie van 'n spesiale verhouding tussen die twee nasies," lui die verklaring.Die jongste konsep verskil nie veel van die eerste een wat wyd deur Namibiërs verwerp is en gelei het tot verskeie betogings en huidige president Nangolo Mbumba wat gesê het dit is nie genoeg nie.Dit het egter tot die €1,1 miljard (N$19,5 miljard) bygevoeg wat oor 30 jaar uitbetaal moet word, 'n voorsiening vir bykomende finansiering, asook voorsiening wat gemaak word vir daardie afstammelinge in die diaspora wat ondersteun sal word om terug te keer na Namibië of waar hulle bly.Volgens hierdie verklaring sal Namibië en Duitsland 'n behoorlike wetlike raamwerk opstel, soos 'n Versoeningstrustfonds wat daarop gemik is om versoening te bevorder en die ontwikkelingsprojekte vir die geïdentifiseerde streke te ondersteun.Die streke is Hardap, lKharas, Kunene, Otjozondjupa, Omaheke en Khomas, met 'n spesiale finansiële ooreenkomsraamwerk wat vir die uitbetaling van finansiering vir programme en projekte vir die geraakte gemeenskappe sal bestuur. - republikein@republikein.com.na

Kabinet gee jawoord vir verklaring

Kommentaar

Republikein 2025-12-19

Meld asseblief aan om kommentaar te lewer

Kabinet gee jawoord vir verklaring

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.