Kabinet besluit oor diplomatieke paspoorte

Die kabinet het op 28 Februarie die besluit geneem om die geldigheidstydperk van diplomatieke en ampsbekleërs se paspoorte na vyf jaar te verkort.Terselfdertyd is besluit om ’n nuwe kategorie in te stel vir diplomatieke paspoorte. Baie, baie belangrike persone (VVIP’s) sal van nou af spesiale paspoorte ontvang, met unieke reeksnommers wat by DV00001 sal begin.Die president, voormalige presidente, adjunkpresidente en eerste ministers sal almal hierdie spesiale diplomatieke paspoorte ontvang, volgens ’n mediaverklaring wat Woensdag uitgereik is. Diplomatieke paspoorte sal aan die president, sy vrou, die visepresident en sy vrou, die eerste minister en haar man en die adjunk- eerste minister en haar man uitgereik word. Ander topamptenare wat ook diplomatieke paspoorte ontvang, sluit in die Speaker, en sy vrou, en die voorsitter van die Nasionale Raad, en sy vrou. Die hoofregter en die adjunkhoofregter en hul eggenote kry ook diplomatieke paspoorte, saam met ministers, adjunkministers, parlementslede, hooggeregshof- en hoërhofregters, die aanklaer-generaal, die ombudsman, die ouditeur-generaal en die voorsitter van die Staatsdienskommissie. Verder kwalifiseer die goewerneur van die Bank of Namibia (BoN), streekgoewerneurs, uitvoerende direkteure en die sekretaris van die kabinet ook vir diplomatieke paspoorte.Die hoof van protokol mag ’n diplomatieke paspoort kry, saam met hoofde van veiligheidsdienste, die adjunk-inspekteur-generaal, die adjunkkommissaris van korrektiewe dienste en die topleierskap van die weermag, die lugmag en die vloot.Spesiale adviseurs van die president kom ook in aanmerking saam met ambassadeurs en hoë kommissarisse in Namibië met hul eggenote en gesinne, tot die einde van hul dienstydperk. Verder mag die president ook ander mense die voorreg gee om ’n diplomatieke paspoort te bekom. – augetto@republikein.com.na

Kabinet besluit oor diplomatieke paspoorte

Kommentaar

Republikein 2026-05-05

Meld asseblief aan om kommentaar te lewer

Kabinet besluit oor diplomatieke paspoorte

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.