‘Heldemoed ken geen ouderdom’

President Netumbo Nandi-Ndaitwah het gister tydens Heldedagvieringe amptelik heldestatus aan die 16-jarige Kornelius Shimuafeni toegeken vir sy dapperheid om ’n nege maande oue tweeling van verdrinking te red. Kornelius, ’n graad 7-leerling van die Omutundungu-nedersetting in die Etayi-kiesafdeling, het op 16 Mei terwyl hy vee opgepas het, in ’n dam ingestorm en die verdrinkende babas, Victoria en Vilho Shikulo, gered. Ter erkenning van sy dapperheid en onbaatsugtige daad, het Kornelius ook N$200 000 ontvang. Die president het gesê sy heldestatus is toegeken “ter erkenning van sy buitengewone daad van dapperheid en dit dien as ’n herinnering dat heldemoed geen ouderdom ken nie”. Foto Nikanor Nangolo