Gedenkdiens aan die kus vir Nujoma

Die Erongostreek het gister tydens ’n spesiale gedenkdiens op Walvisbaai hulde aan die ontslape stigterspresident, Sam Nujoma, gebring, terwyl die Namibiese weermag en polisie ’n oefenlopie in Windhoek gehou het vir die roete wat môre en Vrydag gevolg sal word wanneer daar finaal afskeid van Nujoma geneem sal word by die parlementstuine en die Onafhanklikheidstadion in die hoofstad. ’n Gedenkdiens vind vandag op Keetmanshoop plaas.