Gebrek aan toesig oor mynbou, omgewing
Die regering ervaar uitdagings om die voorwaardes vir mynlisensies en vereistes vir omgewingsklaring te monitor en te handhaaf.
Die ministerie van myne en energie se beamptes is onder druk om gereeld groot lisensiegebiede te besoek en om verlate mynpersele te verminder.
Dit terwyl die omgewingskommissaris se kantoor slegs sewe beamptes het om te verseker dat daar aan omgewingsbestuursplanne en voorwaardes vir omgewingsklaringsertifikate voldoen word.
Dit volgens die omgewingskommissaris, Teofilus Nghitila, en die mynkommissaris, Isabelle Kandjii-Chirchir, wat gister voor die parlementêre staande komitee oor natuurlike hulpbronne getuig het.
Die komitee het ’n openbare verhoor belê om die beweerde onwettige litiummynbou in die Daures-kiesafdeling te bespreek.
Die staatsamptenare wat teenwoordig was, het egter gesê die ontginning van litium in die Erongostreek is in orde.
Tjekero Tweya, die komiteevoorsitter, en Kletus Karondo, die voorsitter van die subkomitee oor myne en enegie, het amptenare van die ministerie van myne en energie en van die omgewing, bosbou en toerisme voor stok gekry oor die geldigheid van mynkleims, omgewingsklarings en die verwante toestemming wat nodig is vir die litiummynbedrywighede wat buite Uis voortduur.
Dr. Caroline !Garus-Oas, die adjunk-omgewingskommissaris, en Erasmus Shivolo, die voormalige mynboukommissaris – tans die adjunk- uitvoerende direkteur van myne en energie – het ook voor die komitee verskyn.
Shivolo sê kleinskaalse mynbouers wat kla dat groot maatskappye hulle persele afgevat het, het geen regte om daar te myn nie. Hy het Kandjii-Chirchir se stelling ondersteun dat die Chinese mynbouers Xinfeng Investments en sy plaaslike vennoot Long Fire Investments die reg het om litium in die Tsiseb-bewaringsgebied te ontgin.
Die omgewingsklaring is ook in orde, volgens Nghitila.
Xinfeng bedryf ’n oopgroefmyn op tien mynkleims toegeken aan Long Fire, wat die Daures Damen Tradisionele Owerheid verteenwoordig.
Kandjii-Chirchir het gesê beide Xinfeng se eksplorasielisensie EPL8397, en Long Fire se kleims binne dié EPL is steeds geldig.
Rakende die tekort aan mannekrag in die omgewingskommissaris se kantoor, brei Nghitila uit dat sowat 150 aansoeke om omgewingsklaring maandeliks ontvang word.
Die kantoor ontvang ook talle aansoeke sonder die nodige volledige impakstudies, wat dan gevolglik afgekeur word.
Nogtans is tot 376 aansoeke in die 2022-’23-boekjaar slegs vir die Erongostreek goedgekeur, terwyl 644 aansoeke landswyd ingedien is vir mynbou- en verwante projekte oor dieselfde tydperk.
Beide ministeries beoog om toepaslike wetgewing – spesifiek die wet op minerale en die wet op omgewingsbestuur, te wysig. Die nuwe wetsontwerp op minerale sal voorsiening maak vir ’n finansiële instrument om mynbouers te dwing om geld opsy te sit om vir die rehabilitasie van die mynperseel ná die voltooiing van ontginning te betaal.
Die wet op omgewingsbestuur moet aangepas word om ’n raad te vestig om omgewingspraktisyns te reguleer, volgens Nghitila.
Verder het Tweya hom sterk uitgespreek teen die onlangse verhoging van mynbou-verwante aansoektariewe. Volgens hom belemmer dit dat plaaslike belanghebbers deel van die mynbouproses word.
Hy het ’n beroep op Kandjii-Chirchir gedoen om hierdie koste te hersien. – [email protected]
Die ministerie van myne en energie se beamptes is onder druk om gereeld groot lisensiegebiede te besoek en om verlate mynpersele te verminder.
Dit terwyl die omgewingskommissaris se kantoor slegs sewe beamptes het om te verseker dat daar aan omgewingsbestuursplanne en voorwaardes vir omgewingsklaringsertifikate voldoen word.
Dit volgens die omgewingskommissaris, Teofilus Nghitila, en die mynkommissaris, Isabelle Kandjii-Chirchir, wat gister voor die parlementêre staande komitee oor natuurlike hulpbronne getuig het.
Die komitee het ’n openbare verhoor belê om die beweerde onwettige litiummynbou in die Daures-kiesafdeling te bespreek.
Die staatsamptenare wat teenwoordig was, het egter gesê die ontginning van litium in die Erongostreek is in orde.
Tjekero Tweya, die komiteevoorsitter, en Kletus Karondo, die voorsitter van die subkomitee oor myne en enegie, het amptenare van die ministerie van myne en energie en van die omgewing, bosbou en toerisme voor stok gekry oor die geldigheid van mynkleims, omgewingsklarings en die verwante toestemming wat nodig is vir die litiummynbedrywighede wat buite Uis voortduur.
Dr. Caroline !Garus-Oas, die adjunk-omgewingskommissaris, en Erasmus Shivolo, die voormalige mynboukommissaris – tans die adjunk- uitvoerende direkteur van myne en energie – het ook voor die komitee verskyn.
Shivolo sê kleinskaalse mynbouers wat kla dat groot maatskappye hulle persele afgevat het, het geen regte om daar te myn nie. Hy het Kandjii-Chirchir se stelling ondersteun dat die Chinese mynbouers Xinfeng Investments en sy plaaslike vennoot Long Fire Investments die reg het om litium in die Tsiseb-bewaringsgebied te ontgin.
Die omgewingsklaring is ook in orde, volgens Nghitila.
Xinfeng bedryf ’n oopgroefmyn op tien mynkleims toegeken aan Long Fire, wat die Daures Damen Tradisionele Owerheid verteenwoordig.
Kandjii-Chirchir het gesê beide Xinfeng se eksplorasielisensie EPL8397, en Long Fire se kleims binne dié EPL is steeds geldig.
Rakende die tekort aan mannekrag in die omgewingskommissaris se kantoor, brei Nghitila uit dat sowat 150 aansoeke om omgewingsklaring maandeliks ontvang word.
Die kantoor ontvang ook talle aansoeke sonder die nodige volledige impakstudies, wat dan gevolglik afgekeur word.
Nogtans is tot 376 aansoeke in die 2022-’23-boekjaar slegs vir die Erongostreek goedgekeur, terwyl 644 aansoeke landswyd ingedien is vir mynbou- en verwante projekte oor dieselfde tydperk.
Beide ministeries beoog om toepaslike wetgewing – spesifiek die wet op minerale en die wet op omgewingsbestuur, te wysig. Die nuwe wetsontwerp op minerale sal voorsiening maak vir ’n finansiële instrument om mynbouers te dwing om geld opsy te sit om vir die rehabilitasie van die mynperseel ná die voltooiing van ontginning te betaal.
Die wet op omgewingsbestuur moet aangepas word om ’n raad te vestig om omgewingspraktisyns te reguleer, volgens Nghitila.
Verder het Tweya hom sterk uitgespreek teen die onlangse verhoging van mynbou-verwante aansoektariewe. Volgens hom belemmer dit dat plaaslike belanghebbers deel van die mynbouproses word.
Hy het ’n beroep op Kandjii-Chirchir gedoen om hierdie koste te hersien. – [email protected]
Kommentaar
Republikein
Geen kommentaar is op hierdie artikel gelaat nie