EFN nader ombudsman oor New Era-skorsing
Beukes verlede maand geskors
Die forum bevraagteken die besluit van New Era se uitvoerende hoof om 'n verskoning namens die dagblad te publiseer.
Elizabeth //Kheibes - Die Redakteursforum van Namibië (EFN) sê hy sal die media-ombudsman nader om ’n hoofartikel te hersien wat die New Era-redakteur, Johnathan Beukes, in die sop laat beland het.
Beukes is verlede maand geskors sonder dat hy ingelig is oor die klagte teen hom. Dit nadat die koerant in staatsbesit ’n hoofartikel gepubliseer het waarin die regbank se beweerde gebrek aan deursigtigheid bevraagteken word.
In ’n verklaring wat Sondag deur sy voorsitter, Frank Steffen, uitgereik is, bevraagteken die EFN die besluit van New Era se uitvoerende hoof, Christof Maletsky, om ’n verskoning namens die dagblad te publiseer waarin Beukes van “wangedrag” beskuldig word.
“Die EFN sou in werklikheid verkies dat die media-ombudsman in hierdie aangeleentheid met die vorige media-ombudsman, Clement Daniels, konsulteer om hierdie kwessie gesamentlik te assesseer voordat hy tot ’n gevolgtrekking kom,” het Steffen gesê.
PROSES
Steffen het gesê dit wil voorkom asof die bestuur die aangeleentheid met een doel voor oë benader het, wat normaalweg daartoe moes lei dat ’n gegriefde party ’n klag by die media-ombudsman sou indien.
“Aangesien daar nie so ’n klag geregistreer is nie, wil dit voorkom asof daar geen benadeelde party is nie, wat dan die vraag laat ontstaan waarom die bestuur besluit het om die besturende redakteur te skors. Die EFN kon moontlik die bestuur se besluit om die redakteur te skors gerespekteer het as daar ’n formele klag was, wat duidelik sou sinspeel op vermeende nalatigheid, kwade bedoelings of wangedrag,” het hy gesê.
OPINIE
Hy het bygevoeg: “Dit lyk vreemd vir die uitvoerende hoof van New Era [Maletsky], wat tog ’n joernalistieke agtergrond het, om ’n artikel op die voorblad te plaas waarin hy nie net vir Beukes in die openbaar van wangedrag beskuldig nie, maar hom basies reeds aan ’n oortreding skuldig bevind.”
Steffen het opgemerk “dit is nooit goeie nuus wanneer ’n redakteur geskors word omdat hy sy bekommernisse uitgespreek het nie, ongeag die kwessie ter sprake – hy het dit tog gedoen terwyl hy onder die indruk was dat hy die besturende redakteur was, wat normaalweg nie met enigiemand sou hoef te konsulteer wanneer jy ’n hoofartikel of meningstuk skryf nie.”
– [email protected]
Beukes is verlede maand geskors sonder dat hy ingelig is oor die klagte teen hom. Dit nadat die koerant in staatsbesit ’n hoofartikel gepubliseer het waarin die regbank se beweerde gebrek aan deursigtigheid bevraagteken word.
In ’n verklaring wat Sondag deur sy voorsitter, Frank Steffen, uitgereik is, bevraagteken die EFN die besluit van New Era se uitvoerende hoof, Christof Maletsky, om ’n verskoning namens die dagblad te publiseer waarin Beukes van “wangedrag” beskuldig word.
“Die EFN sou in werklikheid verkies dat die media-ombudsman in hierdie aangeleentheid met die vorige media-ombudsman, Clement Daniels, konsulteer om hierdie kwessie gesamentlik te assesseer voordat hy tot ’n gevolgtrekking kom,” het Steffen gesê.
PROSES
Steffen het gesê dit wil voorkom asof die bestuur die aangeleentheid met een doel voor oë benader het, wat normaalweg daartoe moes lei dat ’n gegriefde party ’n klag by die media-ombudsman sou indien.
“Aangesien daar nie so ’n klag geregistreer is nie, wil dit voorkom asof daar geen benadeelde party is nie, wat dan die vraag laat ontstaan waarom die bestuur besluit het om die besturende redakteur te skors. Die EFN kon moontlik die bestuur se besluit om die redakteur te skors gerespekteer het as daar ’n formele klag was, wat duidelik sou sinspeel op vermeende nalatigheid, kwade bedoelings of wangedrag,” het hy gesê.
OPINIE
Hy het bygevoeg: “Dit lyk vreemd vir die uitvoerende hoof van New Era [Maletsky], wat tog ’n joernalistieke agtergrond het, om ’n artikel op die voorblad te plaas waarin hy nie net vir Beukes in die openbaar van wangedrag beskuldig nie, maar hom basies reeds aan ’n oortreding skuldig bevind.”
Steffen het opgemerk “dit is nooit goeie nuus wanneer ’n redakteur geskors word omdat hy sy bekommernisse uitgespreek het nie, ongeag die kwessie ter sprake – hy het dit tog gedoen terwyl hy onder die indruk was dat hy die besturende redakteur was, wat normaalweg nie met enigiemand sou hoef te konsulteer wanneer jy ’n hoofartikel of meningstuk skryf nie.”
– [email protected]
Kommentaar
Republikein
Geen kommentaar is op hierdie artikel gelaat nie