ECN: Gladde begin vir streeks- en plaaslike verkiesings

Die Verkiesingskommissie van Namibië (ECN) sê die begin van die 7de streeksraad- en plaaslike owerheidsverkiesings was sonder haakplekke, met al 4 827 stemlokale wat stiptelik om 07:00 kon open.Die voorsitter van die ECN, dr. Elsie Nghikembua, het by die ECN se hoofkwartiere in Windhoek tydens die eerste opdatering oor die stemmery gesê die stemproses vorder doeltreffend oraloor die land.Nghikembua het die dag beskryf as &#039;n "belangrike mylpaal" in Namibië se demokratiese reis, wat nog &#039;n geleentheid vir burgers bied om hul leiers op streeks- en plaaslike vlak te kies.“Die opkoms was tot dusver bemoedigend, met die meeste kiesers wat vroeg reeds hul stemme uitgebring het,” het sy gesê.Volgens Nghikembua is die ECN se maatreëls in plek om te verseker dat toeganklikheid ten volle verseker is en word mense met gestremdhede en ook bejaardes gehelp om met gemak te kan stem.Om die integriteit en deursigtigheid van die verkiesing te beskerm, is agente van politieke partye en geakrediteerde waarnemers van verskeie organisasies by stemlokale en –punte oraloor die land ontplooi.“Ons verwelkom hul teenwoordigheid omdat dit die kredietwaardigheid van ons verkiesingstelsel herbekragtig,” het Nghikembua gesê.Alhoewel dele van die Zambezi-, Oshikoto- en Khomasstreek ligte reënbuie gehad het, het die ECN bevestig geen ontwrigtings is aangemeld nie. Weerstoestande word ook noukeurig gemonitor. Nghikembua het alle geregistreerde kiesers aangespoor om te stem. Hoewel Namibië 121 kiesafdelings het, word net in 120 as gevolg van die onbetwiste Mankupi-kiesafdeling gebring. Stemme word ook in 59 plaaslike owerhede oraloor die land uitgebring.“Met stembusse wat oop is tot 21:00 doen ek ‘n oproep vir geduld, respek en eenheid onder kiesers en verkiesingsbeamptes.“’n Verkiesing is nie net ’n prosedure nie, dit is ’n demonstrasie van ons demokratiese regte en verantwoordelikhede.”Nghikembua het Namibiërs gevra om die krag van die land se demokratiese gees vir die wêreld te wys. “Dankie, en mag die gees van demokrasie ons vandag en altyd lei,” het sy gesê. - ellanie@nmh-hub.com.na

ECN: Gladde begin vir streeks- en plaaslike verkiesings

Kommentaar

Republikein 2026-01-12

Meld asseblief aan om kommentaar te lewer

ECN: Gladde begin vir streeks- en plaaslike verkiesings

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.