Belastingverligting: Só help dit jou sak

Individue wat minder as N$100 000 per jaar verdien, kan vanaf vandeesmaand belastingverligting verwag ná finansminister Iipumbi Shiimi verlewe week nuwe belastingdrumpels op persoonlike inkomstebelasting aangekondig het.Network Media Hub (NMH) het &#039;n berekeninge gedoen wat jaarlikse bruto-inkomste in ag neem.Voor die hersiening van die drumpels sou &#039;n individu wat hipoteties &#039;n inkomste van N$90 000 per jaar verdien het, onderhewig gewees het aan &#039;n jaarlikse belastingkoers van 18% op belasbare inkomste van N$50 001 en N$100 000.Met die hersiening van die drumpels, is dieselfde individu nou nie aan enige belasting onderhewig nie, en verdien &#039;n bykomende inkomste ná belasting van N$750 per maand.Voor die hersiening sou &#039;n individu wat &#039;n inkomste van N$250 000 per jaar verdien het en onderhewig was aan &#039;n belasting op die oorskot van 25%, &#039;n basiese belasting van N$9 000 betaal het, asook &#039;n oorskotbelasting van N$37 500.Met die hersiening is dieselfde individu onderhewig aan &#039;n belasting op die oorskot van 18%, en betaal &#039;n oorskotbelasting van N$25 000 en &#039;n basiese belasting van N$9 000. Die individu ontvang bykomende inkomste ná belasting van N$1 042 per maand.Voor die hersiening sou &#039;n individu wat &#039;n inkomste van N$450 000 per jaar verdien het, onderhewig gewees het aan &#039;n belasting op die oorskot van 28% en sou &#039;n oorskotbelasting van N$42 000 betaal het, asook &#039;n basiese belasting van N$59 000.Met die hersiening betaal hierdie individu nou &#039;n oorskotbelasting van N$28 000 en &#039;n basiese belasting van N$59 000, wat lei tot bykomende inkomste ná belasting van N$1 167 per maand.Hoë-inkomsteverdieners met ‘n jaarlikse inkomste van byvoorbeeld N$1,4 miljoen sou voorheen onderhewig wees aan &#039;n belasting op die oorskotkoers van 32% en N$192 000 betaal het, asook &#039;n basiese belasting van N$205 000.Met die hersiening is hierdie individue nou onderhewig aan &#039;n belasting op die oorskotkoers van 30% en moet oorskotbelasting van N$60 000 betaal, asook &#039;n basiese belasting van N$115 000, wat lei tot bykomende inkomste ná belasting van N$1 333."Die begroting vir 2024-‘25 het voorsiening gemaak vir belastingverligting vir lae-inkomsteverdienders. In hierdie verband sal ons die drumpel vir inkomstebelasting op individue verhoog van die huidige N$50 000 tot N$100 000. Hierdie aksie sal lei tot &#039;n inspuiting van N$646 miljoen direk in die sakke van belastingbetalers," het Shiimi gesê tydens die indiening van sy begrotingsrede gesê.Die nuwe belastingmaatreëls geld vanaf 1 Maart 2024.

Belastingverligting: Só help dit jou sak

Kommentaar

Republikein 2025-09-19

Meld asseblief aan om kommentaar te lewer

Belastingverligting: Só help dit jou sak

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie