AR vra oor onvoltooide staatsprojekte

Die Regstellende Herposisionering (AR)-beweging het ’n beroep op Stad Windhoek (CoW) en die ministeries van arbeid, nywerheidsbetrekking en werkskepping en stedelike en landelike ontwikkeling gedoen om ’n opdatering te verskaf oor padbouprojekte wat gestaak is.Die AR se voorsitter in die Khomasstreek, Sem David, het in ’n brief aan die uitvoerende hoof van CoW, Moses Matyayi, en die minister van stedelike en landelike ontwikkeling, Erastus Uutoni, besliste optrede gevra om die verskeie projekte weer te begin en te voltooi. Die projekte sluit in die pad vanaf die Havana-vierrigtingstop na Ongosvallei, ’n pad vanaf Hakahana na Havana en konstruksie by Ongos-Makitisi in die informele nedersetting Goreangab.Hy het verder gedetailleerde terugvoering geëis oor projekreëlings en tydlyne vir voltooiing, asook ’n volledige lys van gekontrakteerde subkontrakteurs.“Ons het hierdie projekte se kwessies lankal met groot kommer waargeneem, aangesien hulle onvolledig, vertraag of nie behoorlik voltooi is nie. ’n Reaksie op ons eise voor 17 April sal hoog op prys gestel word. Vinnige aandag aan hierdie sake is noodsaaklik om die suksesvolle en realistiese ontwikkeling van ons stad te verseker,” het David in sy brief geskryf.PRIORITISERINGDie AR gee erkenning aan die regering se pogings om die lewenstandaard van inwoners en ontwikkeling in Windhoek te verbeter. “Dit is egter hartverskeurend om te sien dat sulke belangrike projekte tot stilstand kom, werknemers nie betaal word nie en gemeenskappe gelaat word sonder die dienste wat hulle nodig het,” het David gesê.Om dit teë te werk, het hy Nujoma versoek om te verseker dat kontrakteurs hul verpligtinge nakom en hul subkontrakteurs en werknemers betyds betaal.“Ons doen ’n beroep op ’n groter teenwoordigheid en die toesig van arbeidsinspekteurs om te verseker dat die regte en welsyn van werkers wat by hierdie projekte betrokke is, goed na gekyk word. “Dit sal die plaaslike gemeenskap bemagtig en help om werkloosheid te bekamp,” het hy gesê.AR het ook ’n beroep op kontrakteurs en subkontrakteurs gedoen om die indiensneming van plaaslike werklose kundiges en gekwalifiseerde graduandi te prioritiseer. Hulle is vol vertroue dat dit sal help om gemeenskapsbemagtiging te verhoog en billike toegang tot geleenthede te verseker. “Om hulle eerste voorkeur vir algemene werksgeleenthede te gee, sal plaaslike ekonomiese groei stimuleer en die werkloosheidsyfers verlaag," meen David.Die AR het verwys na ’n loodsprojek om 113 huise in Goreangab te bou en bygevoeg hulle verwag dat die owerhede volle aanspreeklikheid vir die voltooiing van die projek neem en dat hulle die welstand van burgers prioritiseer.“Soortgelyke prioriteit en aandag soos aan die 113 huise gegee word, moet ook aan die Ongos-projek gegee word.”POLITIEK“Ons bly gefokus op enige pogings tot uitbuiting of wanbestuur deur polities verbonde kontrakteurs en subkontrakteurs,” het David ook gesê.Met die presidensiële verkiesings wat later vanjaar plaasvind, het David gewys op die politieke maneuvers wat aangewend word soos wanneer politici ontwikkelingsinisiatiewe begin, net sodat dit uitgestel, vertraag of laat vaar word sodra die verkiesings verby is.“Sulke praktyke demoraliseer en neem vertroue binne ons gemeenskappe weg. “Ons eis deursigtigheid en gemeenskapsbetrokkenheid by projekbeplanning en implementering om manipulasie vir politieke gewin te voorkom. Ons eis dat gemeenskapsraadslede, die burgerlike samelewing en algemene lede van die gemeenskap aktief betrokke is by hierdie proses om aanspreeklikheid en deursigtigheid te verseker.” – republikein@republikein.com.na

AR vra oor onvoltooide staatsprojekte

Kommentaar

Republikein 2026-02-03

Meld asseblief aan om kommentaar te lewer

AR vra oor onvoltooide staatsprojekte

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.